Pablo Agulló
Pablo Agulló Temprano, nado na Coruña o 25 de xuño de 1990, é un futbolista galego, que xoga de defensa e centrocampista no Bergantiños, na Terceira División.
| Pablo Agulló | |||
|---|---|---|---|
| Información persoal | |||
| Nome | Pablo Agulló Temprano | ||
| Nacemento | 25 de xuño de 1990 | ||
| Lugar de nacemento | A Coruña | ||
| Posición | Defensa, centrocampista | ||
| Carreira xuvenil | |||
| Calasanz | |||
| Carreira sénior | |||
| Anos | Equipos | Aprs | (Gls) |
| 2009–2011 | Orillamar SD | ||
| 2011–2013 | Atlético Arteixo | 25 | (7) |
| 2013–2014 | Betanzos | 33 | (6) |
| 2014–2018 | Cerceda | 104 | (16) |
| 2018– | Bergantiños | 44 | (3) |
|
Partidos e goles só en liga doméstica. [ editar datos en Wikidata ] | |||
É fillo de Jaime Agulló Quintela e neto de Jaime Agulló Blasco, ambos ex futbolistas do Deportivo da Coruña.[1]
Traxectoria
editarXogou nos xuvenís do Calasanz antes de pasar ao Orillamar SD, co que xogou en Primeira e Segunda Autonómica, e ao Atlético Arteixo.[2] Tras dúas tempadas co Arteixo en Primeira Autonómica deu o salto á Terceira División, fichando polo Betanzos para a tempada 2013/14, despois dunha proba infrutuosa co Fabril.[3]
Foi un fixo na defensa do club betanceiro e ao ano seguinte fichou polo Cerceda, tamén de Terceira. Estivo catro anos en Cerceda, e na tempada 2016/17 ascendeu á Segunda División B. O seu paso pola división de bronce durou só un ano, descendendo de novo á Terceira ao remate da campaña.
Fichou entón polo Bergantiños, de Terceira División.[2] Na segunda xornada de liga sufriu unha lesión no xeonllo que o levou ao quirófano e a perder case toda a tempada.[4] Na tempada 2019/20 disputou a histórica eliminatoria de Copa do Rei contra o Sevilla no Estadio de Riazor.[5]
Notas
editar- ↑ Palleiro, Armando; Díaz, Miguel; Suárez, Luis (2 de outubro de 2018). "La familia Agulló, tres generaciones en blanquiazul". DxT Campeón (en castelán). Consultado o 31 de marzo de 2021.
- ↑ 2,0 2,1 "Pablo Agulló , 5º refuerzo del Bergantiños" (en castelán). 27 de xuño de 2018. Consultado o 31 de marzo de 2021.
- ↑ "Pablo Agulló, jugador del Betanzos". La Voz de Galicia (en castelán). 5 de outubro de 2013. p. 44.
- ↑ Rodríguez, Melissa (12 de setembro de 2018). "Una lesión en la segunda jornada llevó a Pablo Agulló al quirófano". La Voz de Galicia (en castelán). Consultado o 31 de marzo de 2021.
- ↑ "El Sevilla aguanta el chaparrón y pasa con un gol de Koundé ante el Bergantiños". Marca (en castelán). 18 de decembro de 2019. Consultado o 31 de marzo de 2021.
Véxase tamén
editarLigazóns externas
editar- Datos do xogador en BDFutbol (en castelán).
- Datos do xogador en lapreferente.com (en castelán).