Paços de Ferreira

Paços de Ferreira é un concello portugués do distrito do Porto, rexión de Entre Douro e Minho e subrexión do Vale do Sousa e Baixo Tâmega. No ano 2011 tiña 56.340 habitantes.

Paços de Ferreira

Localización
41°17′N 8°23′O
Estado	Portugal
Distritos	Distrito do Porto
Contén a división administrativa	Carvalhosa (pt) Eiriz (pt) Ferreira (pt) Figueiró (pt) Frazão Arreigada (pt) Freamunde Meixomil (pt) Paços de Ferreira Penamaior (pt) Raimonda (pt) Sanfins Lamoso Codessos (pt) Seroa (pt)
Poboación
Poboación	56.340 (2011) (793,63 hab./km²)
Xeografía
Superficie	70,99 km²
Altitude	300 m
Comparte fronteira con	Santo Tirso Paredes Lousada Valongo, Portugal
Datos históricos
Día festivo	festa patronal (6 de novembro)
Identificador descritivo
Código postal	4590–4595
Fuso horario	Hora de Europa Occidental
Outro
Irmandado con	Sartrouville
Páxina web	cm-pacosdeferreira.pt

Xeografía

O concello, de 70,99 km², ten a súa capital na vila do mesmo nome, de 7.491 habitantes (2011), e abrangue 12 freguesías. Limita ao leste co concello de Lousada, ao sur co de Paredes, ao suroeste co de Valongo e ao oeste e ao norte co de Santo Tirso. Está atravesado polo río Ferreira, afluente do río Sousa, que á súa vez é afluente do río Douro. A serra da Agrela é unha pequena elevación que limita o concello polo oeste.

Ten unha densidade de poboación moi elevada, sendo un dos municipios con maior porcentaxe de poboación nova de Portugal. Até o 2013 abranguía 16 freguesías, pero trala reforma administrativa dese ano pasaron a 12: uníronse Paços de Ferreira con Modelos, Arreigada con Frazão, e Sanfins de Ferreira con Lamoso e Codessos. Case todas as freguesías son bastante homoxéneas en número de habitantes, pero as mais poboadas son as cidades de Paços de Ferreira e Freamunde, as vilas de Frazão e Carvalhosa, e as aldeas de Ferreira e Seroa.

Freguesias de Paços de Ferreira

Escudo Freguesía Poboación (2011) Área Arreigada 1 999 hab. 2,16 km² Carvalhosa 4 583 hab. 5,97 km² Codessos 1 011 hab. 2,10 km² Eiriz 2 303 hab. 4,86 km² Ferreira 4 341 hab. 5,89 km² Figueiró 2 496 hab. 2,67 km² Frazão 4 264 hab. 5,35 km² Freamunde 7 789 hab. 4,68 km² Escudo Freguesía Poboación (2011) Área Lamoso 1 613 hab. 3,02 km² Meixomil 3 676 hab. 4,31 km² Modelos 1 594 hab. 2,45 km² Paços de Ferreira 7 491 hab. 4,99 km² Penamaior 3 819 hab. 7,91 km² Raimonda 2 576 hab. 3,81 km² Sanfins de Ferreira 3 139 hab. 6,53 km² Seroa 3 646 hab. 6,05 km²

Historia

Ata as revolucións liberais do inicio do século XIX, formou parte do Couto de Ferreira. O actual concello existe dende 6 de novembro de 1836, e a antiga vila de Paços de Ferreira ten a categoría de cidade dende 20 de maio de 1993.

Economía

Paços de Ferreira é coñecido como a "Capital do Móvel" (Capital dos Mobles) xa que a súa industria de fabricación de mobles é a que máis produce en Portugal e unha das máis importantes de Europa. As estradas do concello, coas súas centenas de tendas de mobles, son consideradas a maior mostra de mobiliario de toda a Europa.

Deporte

Na cidade pacense xoga o club de fútbol FC Paços de Ferreira, que participou unha vez na Liga de Campións da UEFA e tres veces na UEFA Europa League, e foi tamén finalista da Taça de Portugal e da Taça da Liga de Portugal.

Patrimonio

Citania de Sanfins (Núcleo familiar reconstituído).

Citania de Sanfins (Balneario castrexo).

O Dolmen de Lamoso foi declarado Inmóbel de Interese Público o 24 de xaneiro de 1967. O Penedo das Ninfas, en Sanfins de Ferreira, foi declarado IIP o 17 de abril de 1953. A Citânia de Sanfins, un dos maiores e máis importantes castros do noroeste peninsular, foi declarado Monumento Nacional o 20 de agosto de 1946.

O Mosteiro de Ferreira, de estilo románico, foi declarado Monumento Nacional o 3 de febreiro de 1928. O Pelourinho de Paços de Ferreira foi declarado IIP o 11 de outubro de 1933. Outro patrimonio destacable do concello é a Casa da Praça, a capela de San Francisco (Freamunde) e o cruzeiro de Eiriz.

Galería de imaxes

• 
  Cruceiro e Igrexa Matriz
• 
  Casa do Concello
• 
  Xardín Municipal