Ourolo, Taragoña, Rianxo

lugar da parroquia de Taragoña, no concello de Rianxo

Ourolo é un lugar da parroquia de Taragoña no concello coruñés de Rianxo, na comarca da Barbanza. Segundo o padrón municipal (INE 2013) ten 306 habitantes (142 homes e 164 mulleres).

Ourolo
ParroquiaTaragoña
ConcelloRianxo
Poboación306 hab. (2013)

PatrimonioEditar

Nesta localidade atópanse dous cruceiros, ó longo da vella corredoira que percorre paralelamente a estrada comarcal AC-305 (Padrón-Ribeira).

O cruceiro de Ourolo, tamén nomeado da Cubeliña [1]que se atopa máis ó norte da aldea, posúe unha plataforma cuadrangular dun grao e pedestal cuadrangular rematado en chafráns. O seu fuste é de tipo circular, cun capitel cuadrangular co ábaco circular liso, astrágalo de lados curvos e vértices agudos, decoración de anxo con ás, e volutas. A súa cruz é de sección cuadrangular con brazos chafranados e remates florenzados. O Cristo atopase crucificado e sinala có índice da man esquerda, leva coroa de espiños e pergameo de INRI. A Virxe está orando coas mans xuntas sobre peaña de nubes.

O outro cruceiro que se localiza na aldea de Ourolo está carente de plataforma, con pedestal cuadrangular rematado con chafráns, o seu fuste circular cadrado no comenzo, capitel cilíndrico co ábaco de lados curcos e vérticos chafranados, volutas, follas, cabezas de anxo con ás e caveiras con tibias en cruz. A Cruz é de sección cuadrangular cos brazos chafranados e remates florenzados. Presenta un Cristo crucificado coas mans abertas, con coroa de espiñas e cartela de INRI. A Virxe ora coas mans xuntas sobre peaña.

Cruceiro das NevesEditar

Coordenadas: 42°40′48.47″N 8°49′52.79″O / 42.6801306, -8.8313306 O cruceiro das Neves de Ourolo é un cruceiro de capela de plataforma soterrada, cun fuste de sección cadrada con chafráns. A cruz é cuadrangular cos brazos con media cana e remates florenzados. O Cristo crucificado atópase coas mans pechadas, nimbo crucífero e pano de pureza sen nós. No reverso da Cruz, existe un baixorrelevo da Piedade. A capela é lisa, coa base troncopiramidal invertida cun anxo con ás, tellado a catro augas e teito plano. No interior da capeliña atópase unha imaxe da Nª Sª das Neves.

A carón do cruceiro, dentro dun muro, hai un crucifixo e un baixorrelevo.

Cruz de OuroloEditar

Este crucifixo está situado no oco do muro dunha vivenda, a carón do cruceiro das Neves de Ourolo. A cruz é de sección circular, leñosa e con nós, sobre pedestal moldurado. O Cristo crucificado ten as mans abertas, coroa de espiñas e o pano de pureza suxeito cunha corda, e leva pergameo de INRI.

No mesmo oco hai unha lousa con baixorelevo de San Francisco sacando co cordón do hábito as almas do purgatorio.

NotasEditar

  1. González Pérez, Clodio (2000-12-29). "Os Cruceiros de Cápela: V. Concello de Rianxo (II)". Cuadernos de Estudios Gallegos 47 (112): 372. ISSN 1988-8333. doi:10.3989/ceg.2000.v47.i112.185. 

Lugares e parroquiasEditar

Lugares de TaragoñaEditar

Lugares da parroquia de Taragoña no concello de Rianxo (A Coruña)

A Burata | O Burato | O Campo da Feira | Campos de Pazos | Cartomil | O Castriño | Chorente | Corques | A Coviña | O Cruceiro | A Cruz | Cuvide | Dorna | Fachán | Fonte Susán | A Igrexa | Iñobre | A Laxe | O Monte de Dorna | O Moroso | Ourille | Ourolo | Outeiro | Paradela | Pastoriza | As Pedriñas | A Senra |

Parroquias de RianxoEditar

Galicia | Provincia da Coruña | Parroquias de Rianxo

O Araño (Santa Baia) | Asados (Santa María) | Isorna (Santa María) | Leiro (Santa María) | Rianxo (Santa Comba) | Taragoña (San Salvador)

Véxase taménEditar

BibliografíaEditar

PXOM de Rianxo 2014.

Ligazóns externasEditar