Oskar Kokoschka
Oskar Kokoschka, nado en Pöchlarn o 1 de marzo de 1886 e finado en Montreux o 22 de febreiro de 1980, foi un pintor e poeta austríaco, coñecido principalmente polos seus retratos e paisaxes expresionistas.[1]
_by_Erling_Mandelmann_-_3.jpg)
Traxectoria editar
Primeiros anos editar
Oskar Kokoschka naceu no seo dunha humilde familia dedicada á arte da ourivaría, que residía na pequena localidade austríaca de Pöchlarn, situada na ribeira do río Danubio. Como consecuencia do proceso de industrialización ao que estaba a ser sometida gran parte de Europa central por aquel entón, os seus achegados sufriron unha serie de graves problemas económicos que o levaron a tentar buscar unhas vías de renovación e reivindicación da fabricación artesanal.
Con dezanove anos ingresou na Escola de Artes e Oficios de Viena, lugar en que desenvolveu a súa preparación académica entre os anos 1905 e 1908. Durante o catro anos seguintes traballou conxuntamente co arquitecto e deseñador industrial Josef Hoffmann, quen creara unha serie de obradoiros caracterizados por desenvolver a súa actividade dun modo cooperativo. A partir do ano 1908, fíxose cada vez máis evidente a influencia que exercían sobre el personaxes como Gustav Mahler, Gustav Klimt e Sigmund Freud.
Inicio da carreira editar
En 1908 publicou o seu primeiro libro de poemas, Die traumenden Knaben, ilustrado por el mesmo, que tomou a forma dunha fantasía adolescente que era demasiado pouco apropiada para un público mozo.[2] Nesta primeira obra aínda era posible advertir unha gramática lineal, plana e decorativa propia do movemento moderno vienés. Nese mesmo ano realizou unha serie de carteis e postais para a Wiener Werkstätte (Talleres de Viena), que foron expostos na Kunstschau vienesa,[3] xunto unha escultura e o libro Die Träumenden Knaben. Con todo, as súas obras foron moi mal acollidas por parte do público e da crítica, sentíndose estes sectores agraviados pola fortísima expresividade das súas creacións. A mesma reacción deuse cando estreou a súa obra teatral Mörder, die Hoffnung der Frauen ("O asasino, a esperanza das mulleres"), que foi a creación pioneira do expresionismo escénico.
En 1909 coñeceu o arquitecto Adolf Loos, quen lle ofreceu protección a cambio da súa arte, é dicir, estableceuse unha relación de mecenado. Despois de traballar en diferentes proxectos que lle foron encomendados por parte do seu protector (entre eles o seu primeiro retrato), Adolf Loos puxo en contacto a Oskar con Herwarth Walden, que era o fundador da revista expresionista Der Sturm. Con posterioridade, Kokoschka tamén se vinculou con Karl Graus e o círculo de Käthe Richter.
Traslado a Berlín editar
_by_Erling_Mandelmann_-_2.jpg)
Frustrado polas malas críticas recibidas durante a súa estadía en Viena, o artista autríaco decidiu mudarse á capital alemá no ano 1910, coa axuda de Herwarth Walden. Na nova cidade dedicouse fundamentalmente a retratar as personaxes que estaban vinculadas á intelectualidade alemá e austríaca da época ata o estalido da primeira guerra mundial.
Romance con Alma Mahler editar
Entre os anos 1912 e 1915 mantivo unha relación sentimental con Alma Mahler, viúva do compositor Gustav Mahler, que acabou por romper trala fuxida de Alma ao temer o desenlace dun romance que por ocasións chegaba a rozar a tolemia. Unha vez acabada a relación, Kokoschka decidiu elaborar unha pintura que puxese de manifesto a forza do amor e a perduración deste a pesar das múltiples adversidades: A noiva do vento.[4] Así mesmo, encargou a fabricación dunha boneca de tamaño real. Aínda que intentaba simular a Alma e recibir o seu afecto, a boneca non satifixo a Kokoschka e destruíuna durante unha festa.[5]
Despois da primeira guerra mundial editar
Entre 1919 e 1924 foi profesor da Escola de Artes de Dresden.
Volveu a Viena en 1933 e despois da morte da súa nai, en 1934, exiliouse en Praga por razóns políticas. Alí coñeceu a Olga Palkovska, con quen contraeu matrimonio. En 1938, debido á ocupación nazi de Checoslovaquia, abandonou o seu estudio en Moldavia e fuxiu coa súa esposa a Londres (1938-53). En 1946 converteuse en cidadán británico e viaxou brevemente aos Estados Unidos en 1947.
En 1953, estabeleceuse en Villeneuve (Suíza), onde pasou os últimos 27 anos da súa vida. Ata 1978 non recuperou a nacionalidade austríaca.
Morte editar
_by_Erling_Mandelmann_-_5.jpg)
A longa e axitada vida do pintor austríaco, expoñente do expresionismo, concluíu en Montreux, ao non superar un infarto de miocardio. O seu falecemento sobreveu mentres se atopaba ditando as súas memorias. Foi enterrado no cemiterio central de Montreux.[6]
Notas editar
- ↑ Diccionario de Arte II (en castelán). Barcelona: Biblioteca de Consulta Larousse. Spes Editorial SL (RBA). 2003. p. p.16. ISBN 84-8332-391-5. DL M-50.522-2002.
- ↑ "Oskar Kokoschka Die träumenden Knaben (The dreaming boys) | NGV". www.ngv.vic.gov.au. Consultado o 23 de novembro de 2019.
- ↑ Kokoschka, Oskar (1948). Oskar Kokoschka, a retrospective exhibition. Published for the Institute of Contemporary Art, Boston ... [et al.] by the Chanticleer Press. OCLC 1022847914.
- ↑ Lachnit, Edwin (2003). "Kokoschka, Oskar". Grove Art Online.
- ↑ Alma. History (alma-mahler.com). Consultado o 20 de xaneiro de 2018
- ↑ "Wer war Oskar Kokoschka?". mdr.de (en alemán). Leipzig: Mitteldeutscher Rundfunk. 2007. Consultado o 23 de novembro de 2019.
Véxase tamén editar
Wikimedia Commons ten máis contidos multimedia na categoría: Oskar Kokoschka  |
| A Galipedia ten un portal sobre: Austria |
Bibliografía editar
- Alfred Weidinger, Alice Strobl: Oskar Kokoschka. Die Zeichnungen und Aquarelle 1897-1916. Werkkatalog, 1. Band. Hg. Albertina. Verlag Galerie Welz, Salzburg 2008, ISBN 978-3-85349-290-1
- Hilde Berger: Ob es Hass ist solche Liebe? Oskar Kokoschka und Alma Mahler, Böhlau Verlag, Wien 1999,203 S., ISBN 3-205-99103-6 2008 ISBN 978-3-205-78078-6
- Oliver Hilmes: Witwe im Wahn – Das Leben der Alma Mahler-Werfel, Siedler Vlg., München 2004, 482 S., 40 s/w-Abb., ISBN 978-3-88680-797-0.
- Wolfgang Maier-Preusker: Buch- und Mappenwerke mit Grafik des Deutschen Expressionismus, Ausst.Kat. für Hansestadt Wismar, Wien 2006, ISBN 3-900208-37-9
- Heinz Spielmann: Oskar Kokoschka – Leben und Werk, Dumont Vlg., 535 S., 151 farb. u. 481 s/w-Abb., Köln 2003, ISBN 978-3-8321-7320-3. Grundlegende und umfassende Standardmonographie.
- Alfred Weidinger: Kokoschkas King Lear. Hg. Albertina, Wien 1995, ISBN 3-900656-29-0
- Alfred Weidinger: Kokoschka und Alma Mahler – Dokumente einer leidenschaftlichen Begegnung, Reihe 'Pegasus Bibliothek', Prestel Vlg., München/New York 1996, 123 S., ISBN 3-7913-1711-3.
- Widerstand statt Anpassung: Deutsche Kunst im Widerstand gegen den Faschismus 1933–1945, Elefanten Press Verlag GmbH, Berlín 1980
- Norbert Werner (Hg.): Kokoschka – Leben und Werk in Daten und Bildern, it 909, 249 S., Insel Vlg., Frankfurt/M. 1991, ISBN 3-458-32609-X, Informative Kompaktdarstellung mit hälftigem Bildanteil.
- Hans M. Wingler, Friedrich Welz: Oskar Kokoschka - Das druckgraphische Werk, Verlag Galerie Welz, Salzburg 1975 ISBN 3-85349-037-9
- Johann Winkler, Katharina Erling: Oskar Kokoschka – Die Gemälde 1906-1929, Verlag Galerie Welz, Salzburg 1995
- Alfred Weidinger: Oskar Kokoschka. Träumender Knabe Belvedere, Wien 2008, ISBN 978-3-901508-37-0
Ligazóns externas editar
- Fondation Oskar Kokoschka Arquivado 25 de febreiro de 2021 en Wayback Machine.
- Rojas, Alberto. "Hitler, Kokoschka y el examen que marcó el destino del mundo". El Mundo. 29 de outubro de 2008 (en castelán)
- Cadros de Kokoschka en Pintura.aut.org