Os verbos galegos
Ir ao índice do Curso de lingua galega. Tamén pode consultar a Normativa oficial do galego.
Un verbo é unha palabra que nunha oración expresa unha acción ou a existencia ou o estado dos seres. En xeral, o verbo é a palabra máis importante dunha oración, de tal xeito que se di que non hai oración sen verbo. Así, os seguintes enunciados son moi claros pero non son oracións, porque non teñen verbo:
- "Grandes almacéns".
- "Rebaixas".
- "Bo aninovo!".
En troques, as seguintes son oracións porque están formadas, como mínimo, por un verbo:
- "Xa veño!"
- "Espérame!"
- "Corre!"
De que está formado un verbo?
editarToda forma verbal está formada por diversas partes: algunha fixa, chamada raíz ou lexema, e outras variables, chamadas terminacións ou morfemas: cant-abamos, cant-aría, cant-edes, cant-o...
O lexema ou raíz expresa o contido significativo ou semántico do verbo. Os elementos auxiliares expresan o número, a persoa, o tempo e o modo.
O número
editarO número pode ser singular ou plural. Márcase trocando a terminación do verbo: canto/cantamos, cantas/cantades, canta/cantan.
A persoa
editarA persoa márcase cambiando algúns elementos da terminación verbal. Pode ser primeira persoa (canto/cantamos), segunda (cantas/cantades) ou terceira (canta/cantan).
O tempo
editarBasicamente pode ser presente, pasado (ou pretérito) e futuro; pero pode haber moitos matices, sobre todo no pasado: máis próximo, máis distante...
O modo
editarExpresa a actitude subxectiva de quen di a frase. Pode ser indicativo (modo da realidade), subxuntivo (modo da irrealidade, do desexo, da hipótese ou da dúbida) ou imperativo (unha orde, un mandamento, unha instrución).
Cómpre ter en conta tamén algunhas formas non persoais (que non indican persoa ningunha) do verbo: o infinitivo, o xerundio e o participio.
Véxase tamén
editarLigazóns externas
editar- Exercicios sobre o verbo en Wikibooks