Os productores

Os productores (en inglés: The Producers) é un filme estadounidense dirixido por Mel Brooks que se estreou en 1968. Protagonizada por Zero Mostel e Gene Wilder, foi o filme con maior recadación de 1968 e está considerada como unha das máis grandes comedias estadounidenses de todos os tempos segundo a publicación AFI's 100 years... 100 laughs do American Film Institute. Gañou o óscar ao mellor guión orixinal na 41ª edición dos Oscar. Foi estreado na Televisión de Galicia o 29 de agosto de 1992.

Os productores
Ficha técnica
Título orixinal	The Producers
Director	Mel Brooks
Produtor	Sidney Glazier
Guión	Mel Brooks
Intérpretes	Zero Mostel Gene Wilder Kenneth Mars Dick Shawn
Música	Mel Brooks Norman Blagman John Morris
Fotografía	Joseph F. Coffey
Distribuidora	Embassy Pictures Metro-Goldwyn-Mayer
Estrea	10 de novembro de 1968
Duración	88 minutos
Orixe	Estados Unidos
Xénero	Comedia musical
Orzamento	$ 941 000
Recadación	$ 1 600 000
Na rede

O filme foi o primeiro dirixido por Brooks, que xa tiña un serie de televisión de éxito nese momento, Get Smart, cocreada con Buck Henry. O título previsto orixinariamente para o filme era Springtime for Hitler (Primavera para Hitler), título da obra musical que producen no filme.

Argumento

O filme narra a historia dun produtor corrupto de Broadway (Mostel), que coa axuda dun contable tímido e compulsivo (Wilder) planea facerse rico producindo o maior fracaso da historia de Broadway. A obra caracterízase por un humor irreverente apoiado en acentos esaxerados, estereotipos homosexuais e personaxes nazis.