Os Brazões

Os Brazões foi unha banda brasileira da tendencia do rock psicodélico con fusións de samba e R&B con letras en portugués, guitarras saturadas e moito uso dos efectos de sintetizador, formada orixinalmente en Rio de Janeiro como banda de apoio a outros artistas como Gal Costa e Tom Zé aínda que nunca chegaron a gravar con eles en estudo. Os cinco membros orixinais só se daban a coñecer polos alcumes, o membro máis famoso dos cinco era Miguel de Deus, que despois gravou discos en solitario e montou outros grupos da escea alternativa do Brasil. Gravou o moi demandado LP 'Black Soul Brothers' en 1977, que se converteu nun disco referenciado no movemento 'Black Rio'.

Os Brazões
Orixe	Rio de Janeiro, Brasil
Período	1962 - 1977
Xénero(s)	rock psicodélico, tropicalismo
Selo(s) discográfico(s)	RGE Discos, Som Livre
Membros	Miguel de Deus, Eduardo "Edu" Rocha, Roberto, Taco e Mandrake
Antigos membros	Sérgio Bandeyra: guitarra elétrica e voz, Luís Carlos: batería, Francisco: batería Gastão: percusión Clarita:coros, Walkíria: coros.
Na rede

Traxectoria

O único disco do grupo, homónimo, foi lanzado orixinalmente no selo RGE, en 1969. A formación que gravou o disco estaba formada por Miguel de Dios á guitarra rítmica, Eduardo "Edu" Roca á batería e percusión, Roberto á guitarra principal, Taco no contrabaixo e Mandrake na percusión. Pola banda tamén pasarían máis: Sergio Bandeyra á guitarra e voz, Paulinho Augusto á guitarra, Roberto ao órgano, Luis Carlos á batería e percusión, Francisco á batería e percusión, Gastón á percusión, Clarita aos coros e WALKIRIA aos coros. O disco presenta unha mestura de ritmos rexionais e experimentación, o grupo focalízase na percusión en ritmos rexionais do país.

En 1969, o mesmo ano en que Caetano Veloso e Gilberto Gil foron detidos e enviados ao exilio, o ditador militar Emílio Garrastazu Médici tomou o control político, en plena ditadura militar, e instaurou a pena de morte. Os Brazões compuxeron as súas letras referenciando esta polémica xustapostas con estándares brasileiros da resistencia política como en "Volkswagen Blue" e "Carolina, Carol Bela".

Os Brazões - RGE Discos, 1969

Cancións

• "Pega a Voga, Cabeludo"
• "Canastra Real"
• "Módulo Lunar"
• "Volksvolkswagen Blue"
• "Tão Longe de Mim"
• "Carolina, Carol Bela"
• "Feitiço"
• "Planador"
• "Espiral"
• "Gothan City"
• "Momento B8"
• "Que Maravilha"

Véxase tamén

Ligazóns externas

• Módulo Lunar