Olga Ladyzhenskaya

Olga Ladyzhenskaya
	;
Nome orixinal	(ru) Óльга Алекса́ндровна Лады́женская
Biografía
Nacemento	(ru) Ольга Александровна Ладыженская ; 7 de marzo de 1922 ; Kologriv (República Socialista Soviética Federativa de Rusia)
Morte	12 de xaneiro de 2004 (81 anos); San Petersburgo, Rusia
Lugar de sepultura	Cemitério de Komarovo (pt) 60°12′17″N 29°47′57″L / 60.2047, 29.7992
Presidente Saint Petersburg Mathematical Society (en)
	1990 – 1998 ; ← Dmitry Konstantinovich Faddeev (pt) – Anatoly Vershik (pt) →
Datos persoais
País de nacionalidade	Unión Soviética ; Rusia
Educación	Universidade Estatal de San Petersburgo (1947–1949); MSU Faculty of Mechanics and Mathematics (en) (1943–1947); Leningrad State Pedagogical Institute M.N. Pokrovsky (en) (1939–1941)
Tese académica	Solution of the Cauchy problem for hyperbolic systems by the method of finite differences (en) (1949 )
Director de tese	Ivan Petrovsky (pt) e Serguéi Lvovich Soboliev
Actividade
Campo de traballo	Ecuación en derivadas parciais, teoria de equações diferenciais (pt) e análise matemática
Ocupación	matemática , profesora universitaria
Empregador	St. Petersburg Department of Steklov Institute of Mathematics of Russian Academy of Sciences (en) (1954–2000) ; Universidade Estatal de San Petersburgo (1949–2004)
Membro de	Academia de Ciencias da URSS (Q59584696 ) (1990–); Academia das Artes e das Ciencias dos Estados Unidos ; Leopoldina ; Academia de Ciencias de Rusia ; Accademia Nazionale dei Lincei
Lingua	Lingua rusa
Obra
	Obras destacables Ladyzhenskaya's inequality (en) ; Ladyzhenskaya–Babuška–Brezzi condition (en) ;
Doutorando	Ludvig Faddeev (pt) , Vladimir Buslaev (pt) , Lev Kapitanski (en) , Victor Isaacovich Shubov (en) , Varga K. Kalantarov (en) , Anatolii Petrovich Oskolkov (en) , Alexander L'vovich Treskunov (en) , Fedor Vladimirovich Andreev (en) , Aleksander Vasil'evich Ivanov (en) , Valerii Yakovlevich Rivkind (en) , Kirill Kapitonovicn Golovkin (en) , L. Stupyalis (en) , Marek Burnat (en) , Vsevolod A. Solonnikov (en) e Nina Uraltseva (pt)
Familia
Parentes	Gennady Ladyzhensky (pt) (avó)
	Premios (2002) Medalha de Ouro Lomonossov (pt) ; (1999) Orden da Amistade; (1998) John von Neumann Lecture (pt) ; (1992) Kovalevskaya Prize (en) ; (1969) Premio Estatal da URSS; (1966) Medalha de Ouro Tchebychev (pt) ;

Olga Aleksándrovna Ladýzhenskaya (en ruso: Óльга Алексáндровн Лады́женская), nada en Kologriv (RSFS de Rusia) o 7 de marzo de 1922 e finada en San Petersburgo (Rusia), o 12 de xaneiro de 2004, foi unha matemática rusa coñecida polo seu traballo en ecuacións diferenciais parciais (especialmente no décimo noveno problema de Hilbert) e dinámica de fluídos.^[1]

Traxectoria editar

Ladýzhenskaya naceu en Kologriv, Gobernación de Kostromá, onde o seu pai, Aleksandr Ivánovich Ladýzhenski, era profesor de matemáticas. Pertencentes a unha familia da baixa nobreza rural, Aleksandr Ladýzhenski foi deportado e arrestado polo réxime de Stalin en 1937; en xuízo sumarísimo, foi declarado «inimigo do pobo» e condenado á morte.^[2] As dúas irmás de Olga foron expulsadas da escola, pero a Olga permitíuselle terminar os seus estudos.

A pesar diso, Olga tivo problemas para continuar coa súa formación, xa que era a filla dun «inimigo do pobo». En 1939, obtivo excelentes resultados nos exames de ingreso na Universidade de Leningrado; con todo, non foi admitida. Tras un breve período na Escola Normal de Leningrado (1939-1941), volveu á súa cidade natal, onde ensinou matemáticas na mesma escola en que ensinara o seu pai. Admitida finalmente en 1943 na Universidade de Moscova, grazas á intervención persoal da nai dunha alumna, iniciou os seus estudos de matemáticas. En 1947 casou con Andréi Alekséievich Kiseliov, matemático e historiador das matemáticas, e tamén profesor na Universidade de Leningrado.

En 1951 completara a súa tese; con todo, non puido defendela até pasada a morte de Stalin, en 1953. Finalmente, en 1954 foi nomeada profesora titular da Universidade de Leningrado e en 1961, directora do Laboratorio de Física Matemática do Departamento de San Petersburgo do Instituto de Matemáticas Steklov. Foi, así mesmo, presidenta da Sociedade Matemática de San Petersburgo e membro de número da Academia de Ciencias de Rusia.^[3]

Mantivo unha estreita amizade con Aleksandr Solzhenitsyn e coa poeta Anna Akhmatova, o que lle carrexou inimizades coas autoridades soviéticas.^[4]

Contribucións editar

Olga Ladýzhenskaya escribiu máis de 250 traballos sobre matemáticas. A súa obra cobre un amplo espectro de temas, desde as ecuacións diferenciais parciais, pasando polas ecuacións hiperbólicas, até as ecuacións diferenciais xeradas por funcións simétricas dos valores propios (eigenvalues) hessianos. Tamén se interesou pola unicidade na converxencia das series de Fourier, ou solucións mediante a aproximación por diferenzas finitas. Desenvolveu o tratamento funcional analítico de problemas non lineais estacionarios mediante a teoría de graos de Leray-Schauder.

Os seus estudos sobre ecuacións diferenciais e ecuacións de Navier-Stokes, contribuíron enormemente ao desenvolvemento das investigacións noutros campos científicos, entre os que cabe destacar o dos prognósticos meteorolóxicos, a aerodinámica, a oceanografía e a medicina cardiovascular.

Obra editar

Ladyzhenskaya, O. A. (1969) [1963], The Mathematical Theory of Viscous Incompressible Flow, Mathematics and Its Applications 2 (Segunda edición revisada), Nova York–Londres–París–Montreux–Tokio–Melbourne: Gordon and Breach, pp. XVIII+224, MR 0254401, Zbl 0184.52603.
Ladyženskaja, O. A.; Solonnikov, V. A.; Ural'ceva, N. N. (1968), Linear and quasi-linear equations of parabolic type, Translations of Mathematical Monographs 23, Providence, Rhode Island: American Mathematical Society, pp. XI+648, MR 0241821, Zbl 0174.15403.
Ladyzhenskaya, Olga A.; Ural'tseva, Nina N. (1968), Linear and Quasilinear Elliptic Equations, Mathematics in Science and Engineering 46, Nova York e Londres: Academic Press, pp. XVIII+495, MR 0244627, Zbl 0164.13002.
Ladyzhenskaya, O. A. (1985), The Boundary Value Problems of Mathematical Physics, Applied Mathematical Sciences 49, Berlín–Heidelberg–Nova York: Springer Verlag, pp. XXX+322, ISBN 0-521-39922-X, MR 0793735, Zbl 0588.35003 (Traducido por Jack Lohwater).
Ladyzhenskaya, O. A. (1991), Attractors for Semigroups and Evolution Equations, Lezioni Lincee, Cambridge: Cambridge University Press, pp. xi+73, MR 1133627, Zbl 0755.47049

Notas editar

↑ "Las ecuaciones de Olga Ladýzhenskaya - Principia" (en castelán). Consultado o 18 de marzo de 2018.
↑ López, Alberto (7 de marzo de 2019). "Olga Ladyzhenskaya, la investigadora que sorteó la tragedia gracias a las ecuaciones". El País (en castelán). ISSN 1134-6582. Consultado o 7 de marzo de 2019.
↑ Olga Alexandrovna Ladyzhenskaya, 8 décembre 2010 (libro en línea Olga Ladýzhenskaya). Una biografía en Biografías de Mujeres Matemáticas Agnes Scott Archive, Agnes Scott College.
↑ "Olga Aleksándrovna Ladýzhenskaya: las matemáticas y la meteorología se dan la mano" (en castelán). 2019-03-07. Consultado o 2020-10-13.

Véxase tamén editar

Ligazóns externas editar

Olga Ladyzhenskaya y Olga Oleinik: dos grandes matemáticas del siglo XX no blog Mujeres con ciencia

[1] "Las ecuaciones de Olga Ladýzhenskaya - Principia" (en castelán). Consultado o 18 de marzo de 2018.

[2] López, Alberto (7 de marzo de 2019). "Olga Ladyzhenskaya, la investigadora que sorteó la tragedia gracias a las ecuaciones". El País (en castelán). ISSN 1134-6582. Consultado o 7 de marzo de 2019.

[3] Olga Alexandrovna Ladyzhenskaya, 8 décembre 2010 (libro en línea Olga Ladýzhenskaya). Una biografía en Biografías de Mujeres Matemáticas Agnes Scott Archive, Agnes Scott College.

[4] "Olga Aleksándrovna Ladýzhenskaya: las matemáticas y la meteorología se dan la mano" (en castelán). 2019-03-07. Consultado o 2020-10-13.

[1]

[2]

[3]

[4]