Olaia Fernández Davila

María Olaia Fernández Davila, nada en Castrelos, Vigo, o 27 de xaneiro de 1954, é unha política galega.

Olaia Fernández Davila

Olaia Fernández Davila en febreiro de 2015
Biografía
Nacemento	(es) María Olaia Fernández Dávila 27 de xaneiro de 1954 (70 anos) Vigo, España
Deputada de España
5 de decembro de 2011 – 27 de outubro de 2015 Lexislatura: X lexislatura de España Circunscrición electoral: Pontevedra Electo en: Eleccións Xerais 2011 en España
Deputada de España
25 de marzo de 2008 – 27 de setembro de 2011 Lexislatura: IX lexislatura de España Circunscrición electoral: Pontevedra Electo en: Eleccións Xerais 2008 en España
Deputada de España
24 de marzo de 2004 – 15 de xaneiro de 2008 Lexislatura: VIII lexislatura de España Circunscrición electoral: Pontevedra Electo en: Eleccións Xerais 2004 en España
Deputada do Parlamento de Galicia
Datos persoais
País de nacionalidade	España
Actividade
Lugar de traballo	Madrid
Ocupación	política , sindicalista
Partido político	Bloque Nacionalista Galego
Lingua	Lingua castelá e lingua galega

Traxectoria

Iniciou o seu traballo político nos anos setenta no sindicalismo nacionalista en Vigo, onde foi secretaria zonal da INTG, e tamén responsábel nacional da secretaría da Muller. Olaia Fernández foi deputada no Parlamento de Galicia polo Bloque Nacionalista Galego desde 1993 e até o ano 2003. Desenvolveu a súa actividade parlamentaria en temas relacionados co emprego, a sanidade, o comercio e os servizos sociais. Foi unha das impulsoras da comisión non permanente para a Igualdade e para os Dereitos das Mulleres.

Dentro do BNG, foi membro do Consello Nacional desta formación política desde a 1995 até o ano 2003. Foi membro tamén da Executiva Nacional desta formación onde desenvolveu a responsabilidade da secretaría de Acción Social.

Nas eleccións municipais do ano 2003 foi elixida concelleira en Vigo. Foi elixida deputada no Congreso dos Deputados pola circunscrición de Pontevedra en 2004, 2008 e 2011. Desenvolveu o seu traballo parlamentario especialmente no eido agro-pesqueiro, social, laboral e sanitario.

Véxase tamén

Bibliografía

• "Fernández Davila, Mª Olaia". Dicionario biográfico de Galicia 2. Ir Indo Edicións. 2010-2011. p. 56. 
• Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. p. 197. ISBN 84-8064-113-4. 

Outros artigos

• Lista de deputados galegos no Congreso desde a Transición

Ligazóns externas

• Ficha na páxina web do Congreso dos DeputadosArquivado 22 de outubro de 2020 en Wayback Machine.