O xardín dos deuses
O xardín dos deuses (The Garden of the Gods) é unha novela autobiográfica do naturalista Gerald Durrell, publicada en 1978. Conta as súas vivencias na illa grega de Corfú na súa infancia, entre 1935 e 1939. Describe a vida da familia Durrell na illa dun xeito humorístico, ao tempo que fala da fauna da rexión. É a terceira parte da súa triloxía de Corfú, iniciada co' A miña familia e outros animais (1956) e Bechos e demais parentes (1969).
| O xardín dos deuses | |
|---|---|
| Título orixinal | The Garden of the Gods |
| Autor/a | Gerald Durrell |
| Orixe | Reino Unido |
| Lingua | inglés |
| Tema(s) | Saga da vida de Gerald Durrell en Corfú |
| Xénero(s) | Novela autobiográfica |
| Editorial | William Collins Sons & Co. Ltd |
| Data de pub. | 1978 |
| Precedido por | A miña familia e outros animais (1956) Bechos e demais parentes (1969) |
| [ editar datos en Wikidata ] | |
Trama editar
Ao igual que os dous libros anteriores da triloxía, relátanse de forma humorística os eventos vividos en Corfú entre 1935 e 1939 por Gerald (que tiña entre 10 e 15 anos), a súa nai Louisa Florence Durrell, e os seus irmáns Larry, Leslie e Margo.
Como nos dous primeiros volumes da triloxía de Corfú, o libro está cheo de descricións das exploracións pola illa na procura de fauna local, e as aventuras e peripecias vividas pola familia xunto con outros personaxes secundarios como Spiro (o taxista e amigo grego), Teo Stephanides (amigo da familia, médico, poeta e naturalista) e o señor Kralefsky (titor de Gerald). Amais, aparecen novos personaxes como Lumis Bean, Harry Bunny, o príncipe Jeejeebuoy e a condesa Rossignol.