O prisioneiro de Zenda (filme de 1952)
O prisioneiro de Zenda (en inglés: The Prisoner of Zenda) é un filme estadounidense de 1952 dirixido por Richard Thorpe. É un remake do filme homónimo de 1937 e da versión muda de 1922. Está protagonizado por Stewart Granger, Deborah Kerr e James Mason (xunto con Louis Calhern, Robert Douglas, Jane Greer e Robert Coote).
| O prisioneiro de Zenda | |
|---|---|
| Ficha técnica | |
| Título orixinal | The Prisoner of Zenda |
| Director | Richard Thorpe |
| Produtor | Pandro S. Berman |
| Guión | Wells Root Donald Ogden Stewart |
| Baseado en | adaptación de Edward Rose da novela O prisioneiro de Zenda de Anthony Hope |
| Intérpretes | Stewart Granger Deborah Kerr James Mason Louis Calhern Robert Douglas Jane Greer Robert Coote |
| Música | Alfred Newman |
| Fotografía | Joseph Ruttenberg |
| Montaxe | George Boemler |
| Distribuidora | Metro-Goldwyn-Mayer |
| Estrea |  4 de novembro de 1952 16 de setembro de 1991 (TVG) |
| Duración | 96 minutos |
| Orixe |  Estados Unidos |
| Xénero | Aventuras e romance |
| Orzamento | 1 708 000 dólares[1] |
| Recadación | 5 628 967 dólares[1] |
| Na rede | |
          | |
Estreouse en galego o 16 de setembro de 1991 a través da TVG.[2]
Sinopse editar
No imaxinario país de Ruritania, a véspera da coroación do seu soberano, este é secuestrado polo seu ambicioso medio irmán que desexa o trono para el. Os súbditos de confianza do monarca, adiviñando as intencións do perverso irmán, convencen un turista, Rudolf Rassendyll, para que suplante o rei. O seu parecido é tan extraordinario que ningún dos outros súbditos nota a diferenza. Para rescatar o verdadeiro rei prepárase unha expedición para sacalo do castello de Zenda onde está secuestrado. O turista, namorado da princesa Flavia participa activamente na loita.
Personaxes editar
- Stewart Granger como Rudolf Rassendyl/rei Rudolf V
- Deborah Kerr como Princesa Flavia
- James Mason como Rupert de Hentzau
- Louis Calhern como Coronel Zapt
- Robert Coote como Fritz von Tarlenheim
- Robert Douglas como Michael
- Jane Greer como Antoinette de Mauban
- Lewis Stone como o cardenal
- John Goldsworthy como o arcebispo
- Gordon Richards como dignatario
Produción editar
Esta versión difere moi pouco da precedente de 1937 producida por David O. Selznick e protagonizada por Ronald Colman e Madeleine Carroll. Ademais, mantívose a banda sonora composta por Alfred Newman.
De acordo con Hollywood Reporter, MGM pagou a Selznick 225 000 dólares polos dereitos da novela de Anthony Hope.
Notas editar
- ↑ 1,0 1,1 'The Eddie Mannix Ledger’, Margaret Herrick Library, Center for Motion Picture Study, Os Ánxeles
- ↑ Versión en galego (ed.). "O prisioneiro de Zenda na TVG". Consultado o 17 de setembro de 2021.
Véxase tamén editar
| Wikimedia Commons ten máis contidos multimedia na categoría: O prisioneiro de Zenda |
Ligazóns externas editar
- O prisioneiro de Zenda na IMDb (en inglés).
- Ficha en AllMovie (en inglés)