O Amenal, Pereira, O Pino

lugar da parroquia de Pereira no concello do Pino

Coordenadas: 42°54′19.4″N 8°23′38.7″O / 42.905389, -8.394083

O Amenal é un lugar da parroquia de Pereira, no concello coruñés do Pino, na comarca de Arzúa. Segundo o IGE,[1] en 2019 tiña 91 habitantes (44 homes e 47 mulleres), aínda que nestas cifras se inclúe unha boa parte do lugar que se atopa dentro da parroquia de Castrofeito.

O Amenal
Pereira, O Amenal N-547 con casas de Castrofeito ao fondo 3.jpg
A N-547 ao seu paso polo Amenal
ParroquiaPereira
ConcelloO Pino
Poboación91 hab. (2019)

O Camiño Francés a Santiago pasa por esta pequena poboación xusto antes de encarar a suba cara á plataforma do aeroporto de Santiago-Rosalía de Castro. Quizais por esta razón, tense desenvolvido unha pequena infraestrutura hostaleira neste lugar. O trazado do Camiño atravesa a N-547 neste punto a través dun paso subterráneo que se encontra na parte de Castrofeito. A capital municipal, O Pedrouzo, atópase a 2.400 metros de distancia.

Neste lugar conflúen os regos do Amenal e do Menal, que forman parte da bacía do río Brandelos[2], que atravesa a parroquia de Pereira.

É posible que este sexa o lugar mencionado polo peregrino Doménico Laffi no seu Viaggio da Napoli à San Giacomo di Galizia (1673)[3] cando di que «“más alá de al Menar (Amenal) chego a unha fonte en compañía doutros peregrinos, onde refrescamos ben, mudando os vestidos, porque sabíamos estar próximos a Santiago»[4], é dicir, servía ao mesmo propósito que o lugar da Lavacolla.

EtimoloxíaEditar

Este lugar é homónimo do rego que pasa por aquí, baixo unha ponte que atravesa o Camiño Francés. A orixe deste termo pode vir:

  • do fitónimo ameneiro (alnus glutinosa), do latín vulgar *AMINARIU, derivado da forma celta ameia, que significa "a carón do río", porque é aquí onde abundan[5]. Posiblemente a palabra amenal sexa un topónimo abundancial que se refera a un conxunto de amieiros[6]. Neste último sentido os topónimos O Ameneiral, lugar que está poucos metros antes que O Amenal, e rego de Menal virían a abundar no mesmo sentido, polo que teriamos tres topónimos de orixes idénticas uns ao lado dos outros
  • do hidrónimo ame-nale, que significa "meseta ou regato tranquilo"[7], ou da raíz céltica am- que derivaría nun amena- e pode significar "leito de río, gabia"[8]

Galería de imaxesEditar

Lugares e parroquiasEditar

Lugares de PereiraEditar

Lugares da parroquia de Pereira no concello do Pino (Provincia da Coruña)

A Alta de Pereira | Alvarín | Alvite | O Amenal | O Ameneiral | O Castro | Cimadevila | A Igrexa | Vilachá

Parroquias do PinoEditar

Galicia | Provincia da Coruña | Parroquias do Pino

Arca (Santaia) | Budiño (Santa María) | Castrofeito (Santa María) | Cebreiro (San Xiao) | Cerceda (San Miguel) | Ferreiros (San Breixo) | Gonzar (Santa María) | Lardeiros (San Xiao) | Medín (Santo Estevo) | Pastor (San Lourenzo) | Pereira (San Miguel) | O Pino (San Vicenzo) | San Mamede de Ferreiros (San Mamede)

NotasEditar

  1. Xunta de Galicia (ed.). "Instituto Galego de Estatística, consulta do nomenclátor". 
  2. Centro Nacional de Información Geográfica, ed. (2014). Mapa Topográfico Nacional de España. MTN25. 95-III (09-14). Touro (Mapa) (3ª ed.). 1:25.000. Madrid. 
  3. "Doménico Laffi". Xacopedia (en castelán). Consultado o 27-8-2020. 
  4. Solana, Alberto (xaneiro de 2016). Asociación Peregrina del Espíritu de Santi / Ayuntamiento de Tábara, ed. "Lavacolla, mito o costumbre" (PDF). El espíritu de Santi (en castelán) (22): 16. 
  5. Fernández Salgado, Benigno (2004). Dicionario Galaxia de usos e dificultades da lingua galega. Editorial Galaxia. p. 25. ISBN 84-8288-752-1. Consultado o 27-8-2020. 
  6. Cabeza Quiles, Fernando (2008). Toponimia de Galicia. Guías A-Z. Editorial Galaxia. p. 268. ISBN 978-84-9865-092-1. Consultado o 27-8-2020. 
  7. Mateo Sanz, Gonzalo (xullo de 2018). "La naturaleza en la toponimia española (II)". Flora Montibérica (71): 39. ISSN 1138-5952. 
  8. Moralejo, Juan José (2010). "Topónimos celtas en Galicia". Paleohispanica. Revista sobre lenguas y culturas de la Hispania Antigua (en castelán) (10 (Serta Paleohispanica in honorem Javier de Hoz)): 101–102. ISSN 1578-5386.