Coordenadas: 64°11′01″N 51°43′17″O / 64.18361, -51.72139

Nuuk (do groenlandés: O cabo, tamén Nûk), coñecida até 1979 como Godthåb (do dinamarqués: Boa Esperanza) é a capital e principal cidade do territorio autónomo danés de Groenlandia. Áchase a 240 km ao sur do Círculo Polar Ártico, e a 485 km ao noroeste de Qaqortoq. Sitúase na boca sur dun grupo de fiordes chamados Godthåbsfjorden, cunha poboación de 16.992 habitantes (2015), unha cuarta parte da poboación de Groenlandia.

Nuuk
Flag of Nuuk.GIF
Nuuk Coat of Arms.gif
Nuuk and Katuaq - Visit Greenland.jpg A torre de oficinas Teletårnet ("Teletower")
Vista aérea Qernertunnguit.jpg
Distrito de Nuussuaq coa montaña Sermitsiaq no fondo
Colaxe de Nuuk
Localización
Greenland-CIA WFB Map.png
PaísDinamarca Dinamarca
Provincia AutónomaGroenlandia Groenlandia
MunicipioSermersooq
Xeografía
Altitude5 msnm
Superficie686,3 km²
Demografía
Poboación17.984 (xaneiro 2019)
Outros datos
Código postal3900
AlcaldeAsii Chemnitz Narup (Inuit Ataqatigiit)
nuuk.gl

HistoriaEditar

A costa suroeste de Groenlandia foi poboada por colonos viquingos procedentes de Islandia e Noruega dirixidos por Erik o Vermello a finais do século X. Tras varios séculos de ocupación, a comunidade viquinga desapareceu en torno ao século XV, sendo substituída polos inuit procedentes do norte da illa.

Nuuk foi fundada baixo o nome de Godthåb o 29 de agosto de 1728 polo misioneiro noruegués Hans Egede, tralo malogrado establecemento, sete anos antes (1721), dun asentamento na próxima illa de Håbets Ø (Illa da Esperanza). Con iso iniciouse a colonización do lugar (baixo a coroa noruegués-danesa), que nos seus primeiros anos foi bastante adversa: en 1733-1734 unha pequena epidemia de vexigas acabou coa vida da maioría da poboación inuit, e coa da esposa do propio Egede, o cal regresou a Noruega pouco despois. Os seus fillos continuaron o seu labor evanxélica en Groenlandia. No porto antigo de Nuuk aínda se erixe hoxe día a casa de Egede. Os seus habitantes de orixe danesa aínda adoitan referirse a ela como Godthåb, aínda que desde 1979 o nome groenlandés, Nuuk, é o nome oficial da cidade. É a sede do goberno da comuna de Nuuk, que abarca uns 100.000 km² da illa.

Nuuk dispón dunha emisora de radio, un hospital, unha universidade (a Universidade de Groenlandia, Ilisimatusarfik), un centro cultural (Katuaq), un aeroporto (Nuuk Airport, onde opera Air Greenland) e diversas instalacións de investigación científica. A pesca, o procesado do peixe, a caza e a cría de renos e de gando ovino son as principais actividades económicas da cidade.

ClimaEditar

En Nuuk, como en toda Groenlandia, o bioma predominante é a tundra. Os invernos son fríos e nevados, nos cales as temperaturas permanecen por baixo do nivel de conxelación, e os veráns son frescos. A temperatura media anual é de -1,4 °C, cunha oscilación anual de 14,9 °C. O mes máis frío é xaneiro, cunha media de -8,4 °C e o máis caloroso é xullo, con 6,5 °C; tan só supéranse os 0 °C durante catro meses ao ano. As precipitacións anuais son de 723 mm, a maior parte en forma de neve, aínda que nos meses máis cálidos estas caen en forma de choiva. A temperatura mínima histórica rexistrada (a partir de 1850) é de -29,5 °C, mentres que a máxima é 24,2 °C.[1]

Sitios de intereseEditar

  • Centro Cultural Katuaq
  • Universidade de Groenlandia[2]
  • Museo Nacional de Groenlandia
  • Nuuk Kunstmuseum
  • Kalaallit Nunaata Radioa Greenlandic Broadcasting Corporation

Habitantes notables de NuukEditar

 
Centro de Nuuk.
 
Foto aérea de Nuuk.

Cidades irmandadasEditar

DeportesEditar

  • Godthåbhallen – Estadio de Balonmano de Nuuk.
  • Nuuk Stadium – Estadio de fútbol de Nuuk.

 

Vista panorámica de Nuuk desde preto da estatua de Hans Egede.

NotasEditar

Véxase taménEditar

Ligazóns externasEditar