Nicola Sturgeon
Nicola Ferguson Sturgeon, nada en Irvine o 19 de xullo de 1970, é unha política escocesa, dirixente do Partido Nacional Escocés (SNP) e primeira ministra de Escocia dende novembro de 2014 até 2023. É a primeira muller para ostenta calquera destes postos. Sturgeon foi membro do Parlamento escocés dende 1999, primeiro como un membro adicional para a rexión electoral de Glasgow, entre 1999 e 2007, e como membro para Glasgow Southside dende 2007 (sabido como Glasgow Govan dende 2007 a 2011).
Traxectoria editar
Graduada en dereito pola Universidade de Glasgow, Sturgeon traballou como solicitor en Glasgow. Despois de ser elixida para o Parlamento escocés, exerceu como ministra do SNP para educación, saúde e xustiza. En 2004, anunciou a súa candidatura para o liderado do SNP logo da renuncia de John Swinney. Porén, retirouse da competencia polo posto en favor de Alex Salmond, sendo líder adxunta xunto con Salmond.
Ámbolos dous saíron elixidos, e con Salmond aínda como deputado na Cámara dos Comúns, Sturgeon liderou o SNP no Parlamento escocés dende 2004 até 2007. O SNP conseguiu o maior número de asentos no Parlamento escocés nas eleccións de 2007 e Salmond foi nomeado Primeiro Ministro. El nomeou a Sturgeon como Viceprimeira Ministra e Secretaria do Gabinete de Saúde e Benestar. Foi nomeada como Secretaria do Gabinete de Infraestruturas, Investimento e Cidades en 2012.
Despois da derrota na campaña polo "Si" no referendo de independencia de Escocia de 2014, Salmond anunciou que renunciaría como líder do partido na conferencia do partido de SNP en novembro e que renunciaría tamén como Primeiro Ministro despois de que se elixise un novo líder.[1] Ninguén máis foi proposto para o cargo cando se pecharon os nomeamentos, deixando a Sturgeon como líder sen oposicoón do partido na conferencia anual do SNP. Foi elixida formalmente como sucesora de Salmond e Primeira Ministra o 19 de novembro de 2014.[2]
Notas editar
- ↑ Libby Brooks (19 de setembro de 2014). The Guardian, ed. "Alex Salmond's resignation could give Nicola Sturgeon her day of destiny". Arquivado dende o orixinal o 09 de decembro de 2014. Consultado o 19 de novembro de 2014.
- ↑ Campbell, Glenn (13 de novembro de 2014). BBC News, ed. "The transition from Alex Salmond to Nicola Sturgeon". Arquivado dende o orixinal o 17 de novembro de 2014. Consultado o 19 de novembro de 2014.
Véxase tamén editar
Wikimedia Commons ten máis contidos multimedia na categoría: Nicola Sturgeon  |