Nicolás Camino
Nicolás Camino Huertas, nado en Pontedeume o 24 de decembro de 1941 e finado en Cacheiras (Teo) o 11 de setembro de 2021, foi un xornalista e locutor radiofónico galego.
| Biografía | |
|---|---|
| Nacemento | 24 de decembro de 1941  Pontedeume, España |
| Morte | 11 de setembro de 2021 (79 anos) Cacheiras, España |
| Datos persoais | |
| País de nacionalidade | España |
| Actividade | |
| Ocupación | locutor de radio |
| Empregador | Radio Galega |
Traxectoria editar
Como estudante estivo en Santiago de Compostela e Madrid. Durante un tempo foi profesor no instituto da Agra do Orzán, na Coruña.
Comezou en Radiocadena Española. Desde finais de 1984 Camino empezou a traballar no equipo de preparación da Radio Galega desde un piso na rúa Xeneral Pardiñas de Santiago.
Coa creación da Radio Galega, Camino formou parte do equipo inicial. De feito, foi súa a voz primeira en emitirse cando comezaban as emisións da radio[1], e foi el quen anunciou que, logo de se escoitar o himno galego, comezaban as emisións en probas[2] da radio[1]. Xefe de programas nos primeiros anos da cadea, continuou vinculado á empresa presentando programas musicais nos que era especialista, 'Así canta Galicia' (dedicado á música coral) e 'Concerto popular', dedicado ás bandas de música. Xubilouse en 2009.
Fundou a Asociación Galega da Radiodifusión, que quería agrupar os profesionais da radio en Galicia, e foi o seu primeiro presidente[3].
Obra editar
- Así canta Galicia (Xerais, 2001). Con prólogo de Xesús Ferro Ruibal. Catálogo e historia das corais de Galicia.
Notas editar
- ↑ 1,0 1,1 "Falece Nicolás Camino, a primeira voz da Radio Galega". www.crtvg.es. Consultado o 2021-09-12.
- ↑ "Nicolás Camino lembra os nervos dos inicios". www.crtvg.es. Consultado o 2021-09-12.
- ↑ "Nicolás Camino Huertas". Galegos (en castelán). Consultado o 2021-09-12.