Nico González
Nicolás González Iglesias, nado na Coruña o 3 de xaneiro de 2002, é un futbolista galego, que xoga de centrocampista no Porto, da Primeira Liga de Portugal.
| Nico González | |||
|---|---|---|---|
.jpg) | |||
| Información persoal | |||
| Nome | Nicolás González Iglesias | ||
| Nacemento | 3 de xaneiro de 2002 | ||
| Lugar de nacemento | A Coruña | ||
| Altura | 1,88 m. | ||
| Posición | Centrocampista | ||
| Información de club | |||
| Club actual | Porto | ||
| Número | 16 | ||
| Carreira xuvenil | |||
| Montañeros | |||
| 2013–2020 | FC Barcelona | ||
| Carreira sénior | |||
| Anos | Equipos | Aprs | (Gls) |
| 2019–2021 | FC Barcelona B | 27 | (0) |
| 2021–2023 | FC Barcelona | 27 | (2) |
| 2022–2023 | → Valencia | 26 | (1) |
| 2023– | Porto | 6 | (0) |
| Selección nacional | |||
| 2018–2019 | España sub-17 | 7 | (0) |
| 2021– | España sub-21 | 9 | (0) |
| Na rede | |||
   | |||
|
Partidos e goles só en liga doméstica. Club: actualizado a 1 de novembro de 2023. Selección: actualizado a 1 de novembro de 2023.[ editar datos en Wikidata ] | |||
É fillo do histórico capitán do Deportivo da Coruña, Fran, e sobriño do tamén exfutbolista José Ramón.
Traxectoria editar
Comezos editar
Comezou a xogar ao fútbol nas categorías inferiores do Montañeros CF, ata que foi fichado polo FC Barcelona para a súa canteira. Chegou ao club catalán en 2013, con 11 anos, ingresando primeiramente no Infantil B.[1] Foi subindo polas diferentes categorías do Barça, e conquistou o título de liga co Infantil B (2013/14), o Cadete B (2015/16), o Cadete A (2016/17) e o Xuvenil A (2019/20).[2]
FC Barcelona B editar
O 19 de maio de 2019 debutou co filial, o FC Barcelona B, nun encontro fronte ao Castellón, na derradeira xornada da Segunda división B.[3]
Comezou a tempada 2020/21 con ficha no equipo xuvenil, pero xogou de xeito habitual co filial, e en febreiro de 2021, xa convertido nun fixo nas aliñacións do adestrador blaugrana García Pimienta, pasou a ser a todos os efectos xogador do filial.[4][5] En maio de 2021 o club renovou o seu contrato por tres tempadas, establecendo unha cláusula de rescisión de 500 millóns de euros.[6]
FC Barcelona editar
O 15 de agosto de 2021 debutou co primeiro equipo do FC Barcelona na primeira división, na primeira xornada da tempada 2021/22 contra a Real Sociedad no Camp Nou, entrando como substituto de Sergio Busquets no minuto 83.[7] Un mes e medio despois xogou o seu primeiro partido como titular, colocándoo Ronald Koeman no equipo inicial nunha vitoria por 3-0 contra o Levante.[8] O 29 de setembro fixo o seu debut na Liga de Campións, disputando a media hora final na derrota por 3-0 contra o Benfica no Estádio da Luz.[9] Marcou o seu primeiro gol como profesional o 12 de decembro do mesmo ano, nun partido de liga contra o Osasuna no Sadar.[10]
En xaneiro de 2022 foi subido definitivamente ao primeiro equipo, e completou a tempada cun total de 37 partidos, 17 deles como titular, e 2 goles.
En agosto do mesmo ano o club renovou o seu contrato ata 2026, aumentando a súa cláusula de rescisión ata os 1.000 millóns de euros, e para a tempada 2022/23 foi cedido ao Valencia, adestrado por Gennaro Gattuso.[11]
Valencia editar
Debutou co equipo valenciano na primeira xornada ante o Girona e marcou o seu único gol coa camiseta ché tres semanas despois diante do Getafe. En decembro sufriu a fractura do quinto metatarsiano do pé esquerdo, lesión que o obrigou a pasar polo quirófano e que o afastou durante varios meses dos terreos de xogo.[12] Con todo, reapareceu a un gran nivel en marzo de 2023 e fíxose rapidamente coa titularidade, na que se mantivo ata o final da tempada.[13] Completou o seu paso polo Valencia cun total de 26 partidos e un gol.
Porto editar
En xullo de 2023 confirmouse o seu traspaso ao Porto de Portugal, por 8,5 millóns de euros, sendo unha petición do técnico Sérgio Conceição.[14] Disputou o seu primeiro encontro co club na Primeira Liga na primeira xornada, sendo titular na vitoria por 1-2 sobre o Moreirense no Parque Joaquim de Almeida Freitas.[15]
Selección española editar
O 8 de outubro de 2021 debutou coa selección española sub-21, nun encontro fronte a Eslovaquia.[16]
Notas editar
- ↑ Centeno, Alexandre (11 de decembro de 2012). "Nicolás, rumbo a La Masía". La Voz de Galicia (en castelán). Consultado o 26 de abril de 2021.
- ↑ "Presente y futuro: Nico". www.fcbarcelona.es (en castelán). Consultado o 2022-01-30.
- ↑ "Nico, el hijo de Fran, debuta con el Barça B". Sport (en castelán). 19 de maio de 2019. Consultado o 26 de abril de 2021.
- ↑ Centeno, Alexandre (1 de febreiro de 2021). "Nico González, el hijo de Fran, pasa a tener ficha del Barça B". La Voz de Galicia (en castelán). Consultado o 26 de abril de 2021.
- ↑ Martínez, Ferrán (14 de abril de 2021). "En el Barça alucinan con la explosión de Nico González". Mundo Deportivo (en castelán). Consultado o 26 de abril de 2021.
- ↑ Martínez, Ferran (12 de maio de 2021). "Nico González renueva tres temporadas y 500 millones de cláusula". Mundo Deportivo. Consultado o 12 de maio de 2021.
- ↑ "Nico González, hijo del deportivista Fran, debuta con el Barça en partido oficial". Diario de Pontevedra (en castelán). 16 de agosto de 2021. Consultado o 16 de agosto de 2021.
- ↑ "Primera titularidad del gallego Nico González con el primer equipo del Barça". La Voz de Galicia (en castelán). 26 de setembro de 2021. Consultado o 29 de setembro de 2021.
- ↑ "Luis de la Fuente premia o bo inicio de tempada de Nico González convocándoo para xogar coa sub-21". La Voz de Galicia (en castelán). 30 de setembro de 2021. Consultado o 1 de outubro de 2021.
- ↑ Sans, Gabriel (12 de decembro de 2021). "Nico se estrena como goleador ante Osasuna como Ansu e Ilaix". Mundo Deportivo. Consultado o 14 de decembro de 2021.
- ↑ "Oficial: Nico, renovado hasta 2026 y cedido un año al Valencia". Mundo Deportivo (en castelán). 13 de agosto de 2022. Consultado o 23 de setembro de 2022.
- ↑ Teruel, Javi (1 de xaneiro de 2023). "Nico González pasará por el quirófano". As (en castelán). Consultado o 1 de novembro de 2023.
- ↑ Sanchís, Nacho (13 de marzo de 2023). "Nico González deslumbra en su regreso: "Del once titular ya no te saca nadie"" (en castelán). Consultado o 1 de novembro de 2023.
- ↑ "Nico González se 'desinfla' en el Oporto en la previa de la visita del Barça" (en castelán). 30 de setembro de 2023. Consultado o 1 de novembro de 2023.
- ↑ "Nico debuta con victoria en el Oporto". Sport (en castelán). 15 de agosto de 2023. Consultado o 1 de novembro de 2023.
- ↑ "Nico debuta con la Rojita y contribuye a una frenética remontada". Sport (en castelán). 8 de outubro de 2021. Consultado o 8 de outubro de 2021.
Véxase tamén editar
Ligazóns externas editar
- Datos do xogador no sitio web oficial do FC Barcelona (en castelán).