Neurobioloxía

A neurobioloxía é unha Ciencia derivada da Bioloxía que estuda as relacións nerviosas nos seres vivos dende unha perspectiva de interacción con outras partes dun ser vivo.

Imaxe combinada de IRM e PET do cerebro humano.

Estuda as células do sistema nervioso e a organización destas células dentro de circuítos funcionais que procesan a información e median no comportamento. É unha disciplina derivada da bioloxía e da neurociencia. Diferénciase da neurociencia, campo moito máis amplo relacionado con calquera estudo científico do sistema nervioso, e das disciplinas acubilladas nela como a neurociencia computacional, a neurociencia cognitiva, a neurociencia do comportamento, a psiquiatría biolóxica, a neuroloxía ou a neuropsicoloxía, aínda a pesar de solaparse. Os científicos que estudan a neurobioloxía chámanse neurobiólogos.

Principais elementos dunha sinapse prototipo. As sinapses son os saltos entre as células nerviosas. As células nerviosas convirten os seus impulsos eléctricos en ráfagas de retransmisores neuroquímicos, os neurotransmisores, que viaxan a través da sinapse a receptores nas dendritas das células fronteirizas, provocando que as recorran máis impulsos eléctricos.

As propiedades básicas, actividade e regulación das correntes de membrana, a plasticidade sináptica, a neurotransmisión, a neuroxénese, a sinaptoxénese e as canles iónicas das células son algúns campos estudados polos neurobiólogos. A anatomía celular e a subcelular estúdanse para dar unha visión do retardo mental no Mental Retardation Research Center (MRRC). Revistas como Frontiers in Cellular Neuroscience ou Molecular and Cellular Neuroscience publican sobre temas de neurobioloxía.

Neurobiólogos

• María Domínguez Castellano
• Vladimir Bexterev

Notas

---

Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---