Naxma Idris
Naxma Abdala Idris (árabe: نجمة عبدالله إدريس), nada en Kuwait o 25 de decembro de 1952, é unha escritora, xornalista e profesora kuwaití.
(2013) | |
Biografía | |
---|---|
Nacemento | 25 de decembro de 1952 (71 anos) Cidade de Kuwait |
Profesora | |
Datos persoais | |
País de nacionalidade | Kuwait |
Educación | Escola de estudos orientais e africanos Universidade de Kuwait |
Actividade | |
Campo de traballo | Arabic novel (en) |
Ocupación | columnista , poetisa , escritora |
Lingua | Árabe |
Traxectoria
editarEn 1976 graduouse na Universidade de Kuwait en literatura árabe. En 1987 doutorouse pola Escola de Estudos Orientais e Africanos da Universidade de Londres, cunha tese sobre "O concepto da morte e o seu desenvolvemento na poesía árabe moderna". Deu clase no ensino secundario en Kuwait entre 1976 e 1981, e na Universidade de Kuwait entre 1987 e 2007. Idrees comezou a escribir poesía e investigar cando estaba na Universidade. Publicou a maior parte dos seus primeiros traballos na revista Al-Bayan, publicada pola Asociación de Escritores de Kuwait[1]. Uniuse á Asociación de Escritores de Kuwait sendo nova, e atopou moito apoio por parte dos demais membros, e con este estímulo comezou a participar en recitais organizados pola asociación. En 2010 pasou a ser redactora xefe da revista Al-Bayan.
Adoita participar na Semana Cultural que organiza o Consello Nacional de Cultura, Artes e Literatura[2] que ten lugar anualmente en diferentes países de fala árabe. A primeira participación de Idrees coa NCCAL foi en Marrocos en 1979, durante a cal formou parte da delegación cultural de Kuwait. Desde entón participou en conferencias, foros culturais e recitais en ligares como Bagdad, O Cairo, os Emiratos Árabes Unidos, París, Rabat, Tunes, Arxel, Muscat ou Iemen.
Publica unha columna semanal no xornal Al-Jarida[3], ademais de artigos para revistas mensuais e discusións abertas na prensa local e entrevistas de radio.
Recoñecementos
editarObra
editar- تتكسّر لغتي .. أنمو ("A miña lingua racha... eu medro", 2004)[6]
Notas
editar- ↑ Al-Bayan, revista da Asociación de Escritores de Kuwait-
- ↑ "NCCAL". Arquivado dende o orixinal o 20 de setembro de 2019. Consultado o 20 de setembro de 2019.
- ↑ "Najma Idrees en Al Jarida". Arquivado dende o orixinal o 10 de febreiro de 2015. Consultado o 20 de setembro de 2019.
- ↑ "الشيخ احمد الفهد يعتمد اسماء الفائزين بجوائز الدولة التقديرية والتشجيعية", Kuwait news Agency, 22 de novembro de 2002 (en árabe).
- ↑ Arab Woman Awards Arquivado 10 de febreiro de 2015 en Wayback Machine., 2013.
- ↑ تتكسّر لغتي .. أنمو, Google Books.