National Portrait Gallery

National Portrait Gallery
Tipo	museo de arte, museo nacional e organismo público non departamental
Parte de	National Portrait Gallery Board of Trustees (en)
Estilo	Neorrenacemento
Persoas e organizacións
Director/a	Sandy Nairne (pt) , Nicholas Cullinan e Charles Saumarez Smith (pt)
Arquitecto/a	Ewan Christian (pt) e Richard Allison (pt)
	Visitantes anuais (2019) 1634934; (2018) 1586451; (2016) 1949330; (2015) 2145486; (2014) 2006000 ; ;
Datas
Fundación	1856
Inauguración	1856
Localización
	51°30′34″N 0°07′41″O / 51.5094, -0.1281
Estado	Reino Unido
País	Inglaterra
Rexións	Londres
Condado cerimonial	Gran Londres
Borough	Cidade de Westminster
Localización	St Martin's Place (en)
Sede	Londres
Enderezo	St. Martin's Place, WC2H 0HE
Patrimonio cultural
Monumento clasificado como grao I
Data	9 de xaneiro de 1970
Identificador	1066285
Composto por
	Composto por National Portrait Gallery Archive (en) ; ;
Contacto
Páxina WEB	npg.org.uk
Teléfono	+44 20 7306 0055
Redes
	[ Wikidata ]

A National Portrait Gallery (en galego: Galería Nacional de Retratos) é un dos museos máis famosos de Londres. Non debe confundirse coa National Portrait Gallery de Washington, Estados Unidos.

A súa colección está formada por retratos de personaxes destacados da historia; o edificio está construído xusto detrás da National Gallery.

Colección

Foi fundada en 1856 co espírito vitoriano do idealismo e a educación a través do exemplo; o obxectivo da colección era reunir retratos dos grandes e poderosos de Gran Bretaña para que inspirasen a outros. A colección inclúe fotografías e pinturas, ademais de caricaturas, debuxos e esculturas. A National Portrait Gallery alberga, entre outros retratos famosos, o Retrato Chandos, posiblemente a imaxe máis coñecida de William Shakespeare.

Non todos os retratos son excepcionais artisticamente, como si o son os de Anton van Dyck ou os autorretratos de William Hogarth, Sir Joshua Reynolds e outros artistas británicos importantes. Outros, como un retrato de grupo dos participantes na conferencia de Somerset House de 1604, son importantes ao ser un documento histórico. Así, a miúdo, o valor dun traballo como curiosidade ou documento é maior que o seu valor artístico, como no caso do retrato anafórmico de Eduardo VI de William Scrots, ou unha escultura da Raíña Vitoria e o Príncipe Alberte con roupa medieval.

Nun principio, para que o retrato se incluíse na colección, o personaxe debía morrer. Na actualidade esta norma non se cumpre, e pódense ver retratos do xogador de fútbol Bobby Charlton, do príncipe Carlos de Inglaterra ou a súa nai a raíña Isabel II.

A Galería mudouse ao seu edificio actual, ao norte de Trafalgar Square, en 1896. O edificio foi deseñado por Ewan Christian nun estilo neo-renacentista, e construído por Shilliote & Son; foi ampliado en dúas ocasións. A primeira ampliación foi inaugurada por Lord Duveen en 1933, e trátase dunha á que percorre Orange Street; a segunda ampliación abriu en 2000 e foi realizada por Christopher Ondaatje. A á Ondaatje ocupa un espazo situado entre os edificios do século XIX da National Gallery e o edificio da National Portrait Gallery, e é notable pola súa escaleira mecánica de dous pisos que leva aos visitantes á parte máis antiga da colección, os retratos dos Tudor.

En xaneiro de 2008, a Galería recibiu a maior doazón da súa historia, 5 000 000 de libras, feita polo millonario estadounidense Randy Lerner.

Actualmente a colección da National Portrait Gallery está composta por uns 10 000 obxectos, entre cadros, esculturas, caricaturas e debuxos.

Directores

George Scharf - 1857-1894/5
Lionel Cust - 1895-1909
Charles John Holmes - 1909-1916
James Milner - 1917-1927
Sir Henry Hake - 1927-1951
Charles Kingsley Adams - 1951-1964
David Piper - 1964-1967
Roy Strong - 1967-73
John Hayes - 1974-94
Charles Saumarez Smith - 1994-2002
Sandy Nairne - 2002-presente

National Portrait Gallery

Índice

Colección

Directores

Galería de obras

Notas

Véxase tamén

Outros artigos

Ligazóns externas