Museo de Arte Contemporánea de Madrid
O Museo de Arte Contemporánea de Madrid, chamado anteriormente Museo Municipal de Arte Contemporánea, encóntrase no distrito Centro de Madrid, na rúa Conde Duque.
| Museo de Arte Contemporánea Ben de Interese Cultural (1976) | |
|---|---|
_05.jpg) Fachada sueste do Cuartel do Conde-Duque de Madrid | |
| Coordenadas | 40°25′39″N 3°42′38″L / 40.42750, -3.71056 |
| País |  España |
| Cidade |  Madrid |
| Construción | 1717-1736 |
| Inauguración | Novembro de 2001 |
| Na rede | |
| http://www.madrid.es/portales/munimadrid/es/Inicio/museoartecontemporaneo/ | |
| [ editar datos en Wikidata ] | |
Situado nas instalacións do edificio do Cuartel do Conde-Duque, construído polo arquitecto Pedro de Ribera en estilo barroco.
O museo, inaugurado en novembro de 2001, permaneceu pechado desde 2010 até o 3 de febreiro de 2015, cando se abriron ao público dúas das súas salas.
É un museo municipal público de arte contemporánea que alberga pinturas e esculturas de coleccións de vanguardas históricas, realismos, nova figuración e abstracción dos 1980, mestres da abstracción e da escola de Madrid.
Inauguración editar
O Museo de Arte Contemporánea inaugurouse en novembro de 2001 con dous obxectivos fundamentais: a creación dun foro permanente no contexto dun centro como o de Conde Duque, aberto a un intenso programa cultural e de exposicións, e como complemento dos outros museos e coleccións de arte contemporánea de Madrid.
Ao igual que outros museos de arte contemporánea, tanto nacionais como estranxeiros, o Museo de Arte Contemporánea utilizou un edificio histórico para albergar a súa colección de arte contemporánea, neste caso do Concello de Madrid. O museo é ademais parte dun programa permanente de actualización para adaptalo ao seu uso con fins culturais. Presenta as obras de arte que o Concello foi adquirindo desde 1980, ano no que comezou a colección. O museo consta de dous andares cuns 22 000 metros cadrados. Este espazo exhibe cerca de 200 obras de máis de 175 artistas de diferentes épocas e movementos artísticos da arte española, desde as vanguardas históricas até a actualidade, a través da súa colección de pintura, escultura, fotografía, obra gráfica e instalacións.
O museo èchopuse para a súa renovación en abril de 2010. A reapertura estaba planexada para outubro de 2011, pero actualmente continúa pechado, probabelmente por motivos económicos,[1] a excepción de dúas das súas salas. O 3 de febreiro de 2015 abríronse ao público estas dúa salas, onde se mostra parte da colección.
Ben de interese cultural editar
O edificio foi declarado Ben de Interese Cultural de España en 1976.
Notas editar
- ↑ Pérez, Antonio (5 de xuño de 2012): "Silencio en torno al cierre del Museo de Arte Contemporáneo de Madrid". elDiario.es. Somos Malasaña. Consultado o 19 de agosto de 2022.
Véxase tamén editar
Wikimedia Commons ten máis contidos multimedia na categoría: Museo de Arte Contemporánea de Madrid  |