Museo Monetario Cantonal de Lausana
O Museo Monetario Cantonal de Lausana (en francés: Musée monétaire cantonal de Lausanne) é unha institución museística especializada en moedas, medallas, billetes, pesos monetarios e outros obxectos relacionados coa numismática e outras disciplinas afíns, situado en Lausana, no cantón suízo de Vaud.[1]
| Museo Monetario Cantonal de Lausana –Musée monétaire cantonal de Lausanne– | |
|---|---|
 O Palais de Rumine, sede do museo | |
| Coordenadas | 46°31′25″N 6°38′14″L / 46.52361, -6.63722 |
| País |  Suíza |
| Cidade | Lausana |
| Director | Lionel Pernet. |
| Inauguración | - 1775: inicio da colección. - 1818: Museo Cantonal. - 1940: Gabinete de Medallas. - 2003: Museo Monetario Cantonal. - 2019: integración no MCAH. |
| Na rede | |
| http://www.mcah.ch/expositions/expositions-permanentes/collections-monnaies-et-medailles/ | |
| [ editar datos en Wikidata ] | |
Desde 2019, as coleccións do Museo Monetario Cantonal de Lausana forman parte do Museo Cantonal de Arqueoloxía e de Historia (Musée cantonal d'archéologie et d'histoire -MCAH-).[2][3]
Historia editar
Xa desde os primeiros anos do século XVIII, as autoridades do cantón de Berna pasaron a tomar posesión de todos os achados monetarios ocorridos no territorio de Vaud. En 1755, César de Saussure-Gaudard estableceu as bases dunha primeira colección numismática pública, iniciada coa súa doazón de cinco moedas turcas, que se situou na biblioteca da cidade. En 1779, cando se levou a cabo a redacción do seu primeiro catálogo, a colección contaba xa con arredor de medio milleiro de pezas. En 1818, esta colección pasou a ter a consideración de "museo cantonal".[1][4]
Entre 1906 e 1907, o museo foi trasladado á súa sede definitiva do Palais de Rumine e, xa nos inicios do século XX, pasou a ser designado como depositario oficial de todos os achados monetarios ocorridos no territorio do cantón de Vaud, o que, en datos de 2013, ascendía a 150 tesouros e máis de 10.000 pezas.[1]
En 1940 pasou a denominarse Gabinete de Medallas (Cabinet des édailles) e en 2003 adoptou o nome de Museo Monetario Cantonal (Musée monétaire cantonal). Finalmente, en 2019, todas as coleccións numismáticas do cantón de Vaud pasaron a integrarse no Museo Cantonal de Arqueoloxía e de Historia (MCAH), co que o Museo Monetario deixou de ter a súa identidade propia.[3]
O número anual de visitantes foi de preto de 10.000 persoas durante o período 2010-2016.
Coleccións editar
Logo do seu establecemento no Palais de Rumine, o museo ten uns fondos de arredor de 100.000 pezas e presenta unha exposición permanente acerca da historia da moeda. As súas coleccións abranguen as moedas, as medallas, as fichas, os ponderais e os selos do bispado de Lausana, do cantón de Vaud e, máis amplamente de toda Suíza e dos países da súa contorna.[4][5][6][7]
A institución dispón tamén dunha biblioteca especializada en numismática con arredor de 20.000 volumes.[8]
Publicacións editar
- (1994): Martin, C.: Campagnolo, M. Catalogue des balances de changeurs des dénéraux et des poids: collections du Cabinet des médailles de Lausanne. 1, La France et l'Italie. ISBN 2-940094-00-4
- (1995): Martin C. Catalogue des mandats monétaires: collections du Cabinet des médailles de Lausanne. ISBN 2-940094-02-0
- (2002-2005): Eisler, W. L. The Dassiers of Geneva: 18th-century European medallists : collections of the Cabinet de numismatique, Geneva, and the Cabinet des médailles cantonal.
- (2002): Vol. I: Jean Dassier, medal engraver, Geneva, Paris and London, 1700-1733. ISBN 2-940094-05-5
- (2005): Vol II : Dassier and sons: an artistic enterprise in Geneva, Switzerland and Europe 1733-1759. ISBN 2-940094-06-3
- (2010): Geiser, A. (dir). Alexandre le grand et les Royaumes hellénistiques: l'histoire racontée par les monnaies : catalogue de l'exposition. ISBN 978-2-940094-72-1
- (2011): Raemy Tournelle, C. (dir). Napoléon, un destin gravé dans le métal: catalogue de l'exposition du 2 septembre 2011 au 2 septembre 2012. ISBN 978-2-940094-73-8
- (2017): Consiglio, N.; Geiser, A. et al. Par ici la monnaie! Une exposition du Musée monétaire cantonal... ISBN 9782940094837
Galería editar
-
-
Expositor con medallas. -
Medalla de 1499 a nome de Ana de Bretaña. -
Expositor con moedas da Magna Grecia. -
Medalla de Henrique IV de Francia e María de Medici. -
Notas editar
- ↑ 1,0 1,1 1,2 Genechesi, J. (2018).
- ↑ "Monnaies et médailles". No sitio web do museo.
- ↑ 3,0 3,1 "Histoire du Musée". No sitio web do museo.
- ↑ 4,0 4,1 (2008). Le pactole du passé. Musée monetaire cantonal Lausanne. Páxina 4.
- ↑ (2008). Le pactole du passé. Musée monetaire cantonal Lausanne. Páxina 5.
- ↑ "Expositions permanentes". No sitio web do museo.
- ↑ "Collections Monnaies et médailles". No sitio web do museo.
- ↑ "Bibliothèque". No sitio web do museo.
Véxase tamén editar
Outros artigos editar
Wikimedia Commons ten máis contidos multimedia na categoría: Museo Monetario Cantonal de Lausana  |
Bibliografía editar
- Geiser, A. (2017). "Musée monétaire cantonal". En Devanthéry, A.. et al. (ed). Objets archéologiques: une richesse partagée. Lausana. Páxinas 32-39.
- Genechesi, J. (2018). "Musée monétaire cantonal". En Collections cantonales. Héritage en devenir. Patrimoines. N° 3. 2018. Páxinas 82-93.
- (2008). Le pactole du passé. Musée monetaire cantonal Lausanne. Dossiers pédagogiques, nº 28. Cantón de Vaud.