Muralla de Offa
A muralla de Offa (en inglés Offa's Dyke, en galés Clawdd Offa) é unha antiga construción defensiva da illa de Gran Bretaña, erixida polo rei Offa de Mercia en torno ao ano 777, similar ás anteriores murallas romanas existentes no norte da illa; a muralla de Adriano e a muralla de Antonino Pío.
Duns 240 km de lonxitude, estaba construída en adobe, estendéndose ao longo de toda a fronteira con Gales e Cornualla, agás nas zonas nas que a densidade dos bosques os facían practicamente impenetrábeis. Tiña como finalidade a defensa das terras anglosaxoas fronte ás poboacións celtas do outro lado da muralla, tanto galeses coma córnicos.