Muhammad: The Messenger of God
Muhammad: The Messenger of God é un filme épico islámico iraniano dirixido por Majid Majidi. O filme sitúase no século VI e a historia céntrase na infancia do profeta islámico Mahoma. É a produción con maior orzamento do cinema iraniano.[1]
| Muhammad: The Messenger of God | |
|---|---|
| Ficha técnica | |
| Director | Majid Majidi |
| Produtor | Mohammed Mahdi Heidarian Mohammad Reza Saberi |
| Guión | Majid Majidi Kambuzia Partovi |
| Intérpretes | Mahdi Pakdel Sareh Bayat Ra'na Azadivar Mina Sadati |
| Música | A. R. Rahman |
| Fotografía | Vittorio Storaro |
| Montaxe | Roberto Perpignani |
| Estudio | Noor-e-Taban Film Company Production Infinite Production Company GmbH |
| Estrea | 2015 |
| Duración | 171 minutos |
| Orixe |  Irán |
| Xénero | Histórico |
| Na rede | |
   | |
Desenvolvemento editar
O desenvolvemento da película comezou en 2007, e Majidi escribiu o primeiro borrador do guión en 2009. En 2011 construíuse na cidade de Qom un colosal decorado onde se gravou a maior parte do filme, mais algunhas das escenas filmáronse en Suráfrica. Durante a rodaxe, Majdi traballou cun equipo de historiadores e arqueólogos para darlle maior veracidade á época e á infancia de Mahoma.
A estrea do filme ía ser no Festival Internacional de Cinema de Fajr o 1 de febreiro de 2015 mais por mor de dificultades técnicas non se puido proxectar. Realizouse unha proxección especial para críticos, directores e xornalistas o 12 de febreiro de 2015 en Teherán e ao cabo a estrea foi o 27 de agosto de 2015 no Festival Internacional de Cinema de Montreal e nas salas comerciais en Irán.
Recepción editar
Os críticos cinematográficos iranianos déronlle polo xeral boas críticas ao filme,[2] Nos medios europeos houbo críticas favorables, como a de The Guardian[3] e outras negativas como a de Variety.[4] Pero en sectores relixiosos sunnitas houbo unha crítica moi dura, xa antes da estrea.[2] En febreiro de 2015, a Universidade Al-Azhar pediulle a Irán que prohibise o filme, segundo a universidade banalízase a santidade dos mensaxeiros de Deus.[2]
Notas editar
- ↑ "Majid Majidi's religious film to hit movie theaters in 2014". Press TV. Arquivado dende o orixinal o 03 de xuño de 2014. Consultado o 4 de decembro de 2014.
- ↑ 2,0 2,1 2,2 Karimi, Nasser (25 de marzo de 2015). Yahoo, ed. "Iran film portrays the Prophet Muhammad, drawing criticism". Arquivado dende o orixinal o 28 de xuño de 2015. Consultado o 07 de setembro de 2015.
- ↑ Hoad, Phil. "Muhammad: Messenger of God review – evocative account of Islam’s gestation". the Guardian. Consultado o 2015-08-30.
- ↑ Alissa, Simon. "Film Review: ‘Muhammad: The Messenger of God’". Consultado o 7 de setembro de 2015.
Véxase tamén editar
Outros artigos editar
- Filmes de Irán propostos ó Óscar ó mellor filme internacional
- Filmes propostos ó mellor filme internacional na 88ª edición dos Óscar
Ligazóns externas editar
- Sitio web oficial
- O filme en IMD