Muñás, Valdés
Coordenadas: 43°28′44″N 6°24′00″O / 43.47894505, -6.39994796
Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
Muñás é unha parroquia do concello asturiano de Valdés, en España. Así mesmo, unha das poboacións que forman parte de devandita parroquia recibe o mesmo nome. Destacan dúas construcións indianas, palacetes coñecidos como "Torres". A paisaxe é a típica do occidente asturiano, moi verde con amplas pradarías e bosques. Segundo o INE, no ano 2017 tiña unha poboación de 315 habitantes, dos cales 158 eran homes e 157 mulleres.[1] .
A parroquia relixiosa recibe o nome de San Juan de Muñás, correspondente ao Arciprestado de Luarca, Diocese de Oviedo. A advocación é San Xoán Bautista. Nun documento do 20 de xaneiro de 905 aparece citado como propiedade do Mosteiro de Corias (Cangas del Narcea).
A economía local baséase, practicamente na súa totalidade, na agricultura e a gandaría.
Está a xurdir un mercado hoteleiro de casas rurais.
Historia editar
Segundo o Diccionario Geográfico Estadístico Madoz, de 1845, naquelas datas a parroquia de Muñás contaba con 300 casas, unha poboación de 300 veciños, 1800 almas. Dispón dun clima tépedo e san. Nesta localidade naceu o conde Nuño Peláez.[2]
En Ferrera de los Gavitos, está a casa soar do Marqués de Ferrera cuxo primeiro titular foi Juan Alonso de Navia Arango (Século XVIII). Consérvanse dous palacios, un o Palacio do Marqués de Ferrera en Luarca e outro o Palacio do Marqués de Ferrera en Avilés.
Monumentos editar
A igrexa de San Juan erixiuse en 1897. Consta dunha planta de cruz latina, cuberta por tellado a dúas vertentes. A portada a forma unha torre de planta cadrada rematada por un campanario de cuberta a catro augas. Flanqueando a torre por dous lados hai un pórtico estendido polos muros laterais, dispón de tellado a unha vertente sostido por varias columnas colocadas sobre antepeito.
O interior está formado por unha única nave, e capelas laterais que forman un cruceiro cuberto con bóveda de aresta, e cabeceira plana.
O exterior do templo está revogado, agás os sillares de vans e esquinas.
Poboacións editar
|
Notas editar
- ↑ INE (1 de xaneiro de 2017). "¿Cuántos habitantes tiene...". www.ine.es (en castelán). Consultado o 30 de novembro de 2018.
- ↑ "Asturias ilustrada: Primitivo origen de la nobleza de España, su antigüedad, clases y diferencias con la descendencia sucesiva de las principales familias del reino" (3). Oficina de Domingo Fernández de Arrojo, Calle del Carmen.
Véxase tamén editar
Bibliografía editar
- Instituto Nacional de Estadística. "INEbase / Nomenclátor. Relación de unidades poblacionales".
- Sociedad Asturiana de Estudios Económicos e Industriales. "Nomenclátor de entidades de población de Asturias 2011".