Montse González Álvarez
Montse González Álvarez, nada en Lugo o 8 de maio de 1972, é unha poeta galega coñecida co pseudónimo Magadán.
 (2020)  | |
| Biografía | |
|---|---|
| Nacemento | 8 de maio de 1972 (52 anos) Lugo, España |
| Educación | Universidade de Santiago de Compostela |
| Actividade | |
| Ocupación | escritora, filóloga |
| Xénero artístico | Poesía |
  | |
Traxectoria
editarEstudou no IES Ánxel Fole de Lugo e licenciouse en Filoloxía galego-portuguesa na Universidade de Santiago de Compostela. Traballa como normalizadora lingüística no Servizo de Publicacións da Deputación de Lugo.
Coordina o programa de radio Verso a Verso, sección da emisora on-line Openradio.es[1]. Colaborou co Grupo colectivo CE-ARTE, de Lugo, entre novembro de 2013 e marzo de 2014.
En 2016 publicou a súa primeiro poemario en solitario, Chorimas serodias[2]: un poemario marcadamente intimista onde a poeta bebe das temáticas recorrentes na literatura do XIX como o amor e o desamor, o paso do tempo, a morte e a evasión da realidade, abeirándose no seu universo de maxín e fantasía. No libro poden apreciarse claras referencia á poesía rosaliana, así como ao simbolismo borgiano; destaca, asemade, a utilización harmoniosa que fai dos latinismos e cultismos ao estilo do culteranismo gongorino, presentes en toda a súa obra[3].
Obra
editar- Chorimas serodias, 2016, autoedición. ISBN 9788460854616.
Libros colectivos
editar- Alén do silencio, 2014[4].
- Un libro de libros, 2014.
- Galiza-Moçambique: numa linguagem e numa sinfonía, Roteiro das artes internacional, 2016
- Angola-Galiza: sementes da lingua, 2017
- Manuel María -Libro Colectivo de Homenaxe no seu día das Letras Galegas 17 de Maio 2016, Deputación de Lugo.
- Mondoñedo é Poesía 2014-2018, Asociación As San Lucas-Mondoñedo, maio 2018[5].
Libros colectivos en formato dixital
editarNotas
editar- ↑ "Verso a verso". openradio.es. Arquivado dende o orixinal o 21/11/2018. Consultado o 20/11/2018.
- ↑ "Presentación del poemario de Montse González". lavozdegalicia.es. Consultado o 20/11/2018.
- ↑ "Montse González Álvarez. Autobiografía". aelg.gal. Consultado o 20/11/2018.
- ↑ "Alén do silencio". axendacultural.aelg. Consultado o 20/11/2018.
- ↑ "Mondoñedo é Poesía 2018, o 1 de maio". axendacultural.aelg. Arquivado dende o orixinal o 21/11/2018. Consultado o 20/11/2018.
- ↑ "POEMAS PENDURADOS DE FAROLAS: LUMES NUNCA MÁIS!! por Antón de Guizán". culturgaliagz.com. Consultado o 20/11/2018.
- ↑ "AS ROSALÍAS ABRIRON A FIESTRA!, libro dixital do Día de Rosalía 2018 en Santaballa". culturaliagz.com. Consultado o 20/11/2018.