Montiel
.jpg)
Montiel é unha poboación do sueste da provincia de Cidade Real en España (comunidade autónoma de Castela-A Mancha). Atópase dentro da comarca do Campo de Montiel na marxe esquerda do río Jabalón e dentro do val que forman as ladeiras dos cerros do Castelo da Estrela (ás veces chamado castelo de Montiel), de San Polo e das Camarillas.
PoboaciónEditar
Segundo o censo electoral de 2005, tiña 1307 electores: 1296 en España e 11 no estranxeiro.
Evolución da poboaciónEditar
| Poboación | |||
| Ano | Homes | Mulleres | Total |
| 1996 | 888 | 880 | 1768 |
| 1998 | 865 | 856 | 1721 |
| 1999 | 865 | 856 | 1721 |
| 2000 | 845 | 828 | 1673 |
| 2001 | 839 | 827 | 1666 |
| 2002 | 846 | 827 | 1673 |
| 2003 | 854 | 836 | 1690 |
| 2004 | 858 | 831 | 1689 |
HistoriaEditar
Montiel foi escenario dun enfrontamento bélico enmarcado na Guerra dos Cen Anos e no seu conflito satélite, a Guerra Civil de Castela: a Batalla de Montiel. Nela, exércitos francocastellanos medíronse cunha alianza proinglesa liderada por Portugal. A primeira destas forzas, comandada por Enrique de Trastámara (logo Enrique II de Castela), impúxose á segunda, dirixida polo seu irmán Pedro o Cruel.
O medio irmán ilexítimo do rei Pedro I de Castela tiña pretensións ao trono de Castela. Francia apoiou o dereito do primeiro, comisionando ao seu mellor condestable para que axudase ás forzas oficialistas. Así, o gran estratego Bertrand du Guesclin cruzou os Pireneos e enfrontou a Enrique na Batalla de Montiel, no que representa a primeira guerra civil española da historia (a Guerra Civil de Castela), enmarcada nun conflito moito maior e de nivel continental: a Guerra dos Cen Anos. Esta guerra entre irmáns (en sentido literal e figurado) perpetuouse durante máis de quince anos e finalizou coa vitoria de Enrique e o asasinato de Pedro o Cruel a mans do seu irmán.
PolíticaEditar
Nas eleccións municipais de 1999 e 2003 a repartición foi de catro edís para o PP e cinco para o PSOE. Nas eleccións municipais de 2007 a repartición foi de catro edís para o PSOE e cinco para o PP.
AlcaldíaEditar
| Período | Nome do alcalde | Partido Político |
| 1991-2007 | Bartolomeu Jiménez Moreno | PSOE |
| 2007-2011 | Francisco Javier Álamo Amador | PP |
Festas locaisEditar
- 20 de xaneiro, San Sebastián Mártir. Patrón de Montiel.
- 3 de febreiro, San Blas.
- 8 de maio, festas en honra da Virxe dos Mártires. Patroa de Montiel.
- 15 de maio, San Isidro Labrador. Patrón dos Labradores.
- 15 de agosto, Romaría en Honra á Virxe dos Mártires.
- 14 de setembro, festas en honra do Santísimo Cristo da Expiración.