Abrir o menú principal

Coordenadas: 42°16′14″N 08°37′43″O / 42.27056, -8.62861

Mámoa do Rei, no Monte Penide.

O Monte Penide é un macizo montañoso de 450 metros de altura que se atopa no concello pontevedrés de Redondela[1]. O complexo do monte Penide atópase nas elevacións montañosas situadas no extremo suroeste do concello, nas parroquias de Negros, Trasmañó e Cedeira.

Índice

Patrimonio arquelóxicoEditar

 
Mámoa do Rei, túmulo do Monte Penide, na parroquia de Trasmañó.

No seu cumio posúe un conxunto arqueolóxico conformado por petróglifos, mámoas, gravados rupestres e outros elementos arqueolóxicos que converten a este conxunto na necrópole con máis sitios arqueolóxicos da provincia de Pontevedra[2]. Os primeiros deles datados na era paleolítica inferior, no período do plistoceno.[3]

MámoasEditar

Os túmulos son construcións de pedra e terras baixo as que as culturas prehistóricas enterraban os seus mortos. Estas construcións megalíticas foron moi estendidas na costa atlántica galega durante o neolítico até a idade de Bronce. Entre os túmulos ou mámoas máis importantes destacan:[3]

  • Mámoas do Chan da Cruz: constitúen un total de 31 mámoas. Entre elas destaca a Mámoa do Rei[4], unha das mellores conservadas, e que contén unha gran cámara megalítica arrodeada por seis lousas formando unha cámara pechada.
  • Mámoa de Coto Feneiro
  • Mámoas do Chan do Rato: composto por dúas mámoas.
  • Mámoas das Pedras dos Picos: en total dúas mámoas.
  • Mámoas do Monte Vixiador: en total dúas mámoas.
  • Mámoas do Castro Ferreiro: conformado por 3 mámoas.
  • Mámoa de Teixugueiras de Poza Lagoa

PetróglifosEditar

 
Petróglifo no Monte Penide.

Ademais do fenómeno tumulario, no monte Penide as culturas que alí se desenvolveron a creación de petróglifo, unhas representacións gráficas gravadas nas rochas ou pedras. No monte Penide están os seguintes petróglifos:[3]

  • Petróglifos do Chan da Cruz: formado por catro rochas que conteñen motivos circulares, óvalos e cazoletas.
  • Petróglifos do Coto da Rola: formado por catro petróglifos.
  • Petróglifos de As Porteliñas: formado por dous petróglifos.
  • Petróglifos do Chan do Rato: formado por dous petróglifos.
  • Petróglifos do Poza da Lagoa: formado por catro petróglifos.
  • Petróglifos do Coto Fenteira: formado por tres petróglifos.
  • Petróglifo de Eira Pedriña
  • Petróglifos do Coto do Corno:[5] Correspóndense con dous petróglifos nos que predominan os motivos circulares que ocupan case que toda a superficia da pedra.
  • Petróglifos do Castro de Negros: trátase de 6 petróglifos situados no castro de Negros.

NotasEditar

  1. "Diagnóstico socioeconómico do concello de Redondela: Patrimonio arqueolóxico." (PDF). Mancomunidade da Área Intermunicipal de Vigo. Consultado o 16 de xaneiro de 2014. 
  2. "Visitas guiadas á Área Arqueolóxica Monte Penide, Redondela" (PDF). Arquivado dende o orixinal (PDF) o 11 de xaneiro de 2014. Consultado o 16 de xaneiro de 2014. 
  3. 3,0 3,1 3,2 "Museo Virtual de Monte Penide Prehistórico". Consultado o 16 de xaneiro de 2014. 
  4. "Ficha da Mámoa do Rei" (PDF). AGADER. Consultado o 16 de xaneiro de 2014. 
  5. "Ficha do Petroglifo do Coto do Corno" (PDF). AGADER. Consultado o 16 de xaneiro de 2014. 

Véxase taménEditar

Outros artigosEditar

Ligazóns externasEditar