Molina de Aragón

Molina de Aragón é unha localidade e un concello da provincia de Guadalaxara, na comunidade autónoma de Castela - A Mancha. A súa poboación era de 3.656 habitantes en 2006.

Molina de Aragón

Molina de Aragón (es) Molina d'Aragón (an)
Localización
40°50′38″N 1°53′19″O
Estado	España
Comunidade autónoma	Castela-A Mancha
Provincia	provincia de Guadalaxara
Capital	Molina de Aragón
Poboación
Poboación	3.288 (2023) (19,53 hab./km²)
Xeografía
Parte de	Q107553693
Superficie	168,33 km²
Altitude	1.065 m
Comparte fronteira con	Castilnuevo (pt) Embid (pt) La Yunta (pt) Campillo de Dueñas (pt) Castellar de la Muela (pt) Tortuera (pt) Rillo de Gallo (pt) Rueda de la Sierra (pt) Corduente (pt) Prados Redondos (pt)
Santo padrón	Virxe do Carme
Organización política
• Alcalde	Jesús Herranz Hernández
Identificador descritivo
Código postal	19300
Fuso horario	UTC+01:00
Código INE	19190
Outro
Irmandado con	Vouillé
Páxina web	molina-aragon.com

O municipio, de 168 km², limita polo norte co de Rueda de la Sierra, polo noroeste con Tortuera e máis Embid, polo leste con Campillo de Dueñas e La Yunta, polo sueste con Castellar de la Muela, polo sur con Prados Redondos, polo suroeste con Castilnuevo, polo oeste con Corduente e polo nordeste con Rillo de Gallo.

Xeografía

Hidrografía

O río Gallo atravesa a poboación. Polo sur bordea a vila o arroio de La Cava, unha rambla —corga característica da España mediterránea— que polo xeral leva auga e que no ano 1930 produciu graves inundacións.

Economía

Molina é unha vila dedicada ao comercio e aos servizos, con escasa industria. É o centro administrativo comarcal dunha área eminentemente agrícola e gandeira, cun incipiente turismo rural atraído pola natureza.

Historia

O nome actual da poboación procede da súa antiga pertenza á Coroa de Aragón. Pese a que foi tomada por Castela aos musulmáns, durante a guerra entre Castela e Aragón de 1356-1369, a vila (coñecida como Molina de los Caballeros, Molina de los Condes ou, simplemente, Villa de Molina) e máis a súa comarca pasaron ao reino de Aragón.

No ano 1375 foi reconquistada polas tropas de Pedro o Cruel de Castela, durante unha expedición de castigo contra os aragoneses que daban apoio a seu irmán bastardo Henrique na guerra que ambos mantiñan polo trono castelán. O exército chegou mesmo a conquistar Teruel, mais nos tratados de paz seguintes os casteláns retiraríanse de todos os territorios e localidades ocupadas, salvo da contorna de Molina, que sería coñecida a partir de entón como de Aragón. A vila de Molina, residencia habitual de Pedro I desde aquela altura, foi considerada como un territorio aparte, en mans do rei, costume que perdurou até a actualidade, xa que entre os títulos señoriais do rei de España, Xoán Carlos I, continúa a figurar o de "Señor de Molina".

Monumentos e lugares de interese

• O Castelo ou Alcácer, un dos maiores de España.
• A ponte románica.
• A igrexa e o convento de San Francisco.
• A igrexa de Santa Clara.

En xeral a vila conserva boa parte do seu patrimonio medieval e da idade moderna.

Contorno ambiental

Molina está situada moi preto do Parque Natural do Alto Texo, que posúe especies mediterráneas de montaña alta e mediana, en óptimo estado de conservación. Constitúe ademais unha dos maiores áreas de canóns fluviais do interior peninsular. O parque conecta aínda con zonas turísticas e paisaxísticas como son a Serranía de Cuenca ou os Montes Universales (Teruel).

A 11 km de Molina de Aragón sitúase a ermida románica da Virxe do Congosto, no interior dun barranco espectacular.

Festas locais

• As festas patronais son as do Cristo de Las Victorias (1 de setembro).
• Nosa Señora do Carmo (16 de xullo), declarada de interese turístico rexional.
• A Inmaculada (8 de decembro).
• A loia á Virxe do Congosto (domingo de Pentecoste).
• A Feira Medieval (terceira fin de semana de xuño).
• O entroido.