Misterio de Elx

O Misterio de Elx (Misteri d'Elx en catalán) é un drama sacro-lírico relixioso que recrea a Durmición, Asunción e Coroación da Virxe María. Dividida en dous actos ou xornadas, a obra escenifícase cada 14 e 15 de agosto no interior da Basílica de Santa María, na cidade de Elx (Alacant).

Misterio de Elx
Tipo	liturgical drama (en) , festa, monumento e obra literaria
Epónimo	Elx
Forma artística	obra de teatro
Publicación
País orixe	España
Premios
Premios (1987)  Creu de Sant Jordi
Patrimonio cultural
Lista Representativa do Patrimonio Cultural Inmaterial da Humanidade
Data	2008
Identificador	RL/00018
Obras Mestras do Patrimonio Oral e Intanxible da Humanidade
Data	2001
Entorno de protección BIC
Data	6 de xaneiro de 1998
Ben de Interese Cultural
Data	15 de setembro de 1931
Identificador	RI-51-0001071
Codi IGPCV	03.33.065-015
Festas de interese turístico internacional de España
Inventario General del Patrimonio Cultural Valenciano (pt)
Identificador	03.33.065-015
[ Wikidata ] [ C:Commons ]

Investigacións recentes sitúan a orixe da devandita obra arredor da segunda metade do século XV, contradicindo así ás tradicións locais, que a relacionan, por unha parte, coa conquista do Elx musulmán (1265) e, por outra, co achado da imaxe da Virxe, dentro dunha arca de madeira, o 29 de decembro de 1370, na próxima localidade costeira de Santa Pola.

Trátase da única obra no seu xénero que foi representada sen interrupción ata a actualidade, superando mesmo o impedimento que supuxo a prohibición de representar obras teatrais no interior das igrexas por parte do Concilio de Trento. Foi o Papa Urbano VIII quen, en 1632, concedeu ao pobo de Elx, a través dun rescrito pontificio, o permiso para continuar coa devandita representación, contra o intento de prohibición do bispo de Orihuela.

Todos e cada un dos personaxes son representados por varóns, tratando de respectar así a orixe litúrxico-medieval desta, que vetaba expresamente a aparición de mulleres neste tipo de representacións. O texto do Misteri, a excepción dalgúns versos en latín, está escrito en catalán antigo. A música é unha amálgama de estilos de diferentes épocas que inclúen motivos do medievo, do Barroco e do Renacemento.

A festividade recibiu numerosas condecoracións e recoñecementos, entre os que destaca a declaración o 18 de maio de 2001 como Obra Mestra do Patrimonio Oral e Inmaterial da Humanidade por parte da Unesco.

Véxase tamén

Ligazóns externas

• Sitio web oficial