Miriam Beizana Vigo

Miriam Beizana Vigo, nada na Coruña o 20 de agosto de 1990, é unha escritora e galega en lingua castelá e crítica literaria.

Miriam Beizana Vigo

Biografía
Nacemento	20 de agosto de 1990 (34 anos) A Coruña, España
Actividade
Ocupación	escritora
Xénero artístico	Drama
Páxina web	miriambeizana.wordpress.com

Traxectoria

Naceu na Coruña, pero pasou a súa infancia en Carballo. Traballa na administración orientada ao sector industrial, aínda que leva escribindo desde moi nova. A súa primeira novela, Marafariña, en parte autobiográfica, conta a historia de amor entre Ruth, unha nova Testemuña de Xehová e Olga, unha moza catalá que chega á aldea na que reside a primeira; esta novela ten unha secuela, Inflorescencia, publicada 3 anos máis tarde. Todas las horas mueren é unha novela curta que, na ficción, foi escrita por Olga a partir dunhas páxinas que comezou a súa nai. Finalmente, escribiu un ensaio sobre o cantante de pop Tino Casal.

Aínda que na súa obra sempre dá protagonismo ás mulleres (xeralmente lesbianas), rexeita a etiqueta de novelas lésbicas dado que non son exclusivas de persoas LGTBI. En palabras da autora:

Coido que ninguna autora ou autor escribe novela LGBT propiamente dicha. Escriben novela romántica, novela fantástica, novela intimista, novela de ciencia ficción en cuxa trama reflíctese algún personaxe homosexual. No sei en que clase de mundo seguimos vivindo que fai que este tipo de libros deban ter un distintivo, como se só puideran enfocarse a un público xeral. Que rabia. Como se fose un problema, unha barreira, un distintivo. Que chirriante. Porque eu leo máis cantidade de novela heterosexual que de novela lésbica, pero seica o mundo heterosexual non pode asumir ler novela lésbica.

Entre as súas influencias están Fannie Flagg, Virginia Woolf, Carmen Laforet, Rosa Montero e Ana María Matute. Colabora realizando críticas literarias en La Voz de Galicia e na web Café Librería, e realiza artigos no portal de difusión e visibilidade LGTB Hay una lesbiana en mi sopa. Tamén publicou varios relatos, tanto de forma particular como formando parte de antoloxías, como Asalto a Oz ou Misteria I (esta última tras quedar finalista no premio do mesmo nome).

En 2019, publicou xunto a Maite Mosconi a súa primeira obra infantil (e a primeira en lingua galega), Guerreiras de lenda, que inclúe contos e poemas (baseados en lendas reais) e diversas actividades interactivas.

En 2020 publicouse a súa cuarta novela, La herida de la literatura, a primeira co apoio dunha editorial. En 2024 publicou de novo en galego (con Xerais) a súa obra A soidade das nenas. Nunha entrevista, anunciou que vai tratar de novo o fanatismo relixioso nunha futura novela.

Premios e recoñecementos

• 2º Premio no XI Certame de Contos Interculturais (polo relato El Tren)

Obras

Novelas

• Marafariña. Autopublicado. 2015. ISBN 978-1512227253. 
• Todas las horas mueren. Autopublicado. 2016. ISBN 978-1536838824. 
• Inflorescencia. Autopublicado. 2018. ISBN 978-1720316213. 
• La herida de la literatura. LES Editorial. 2020. p. 326. ISBN 978-8417829186. 
• A soidade das nenas. Xerais. 2024. p. 296. ISBN 978-8411104975. 

Relatos

• El tren. Lektu. 2018. 

Ensaio

• Navarro Asensio, Pep; Beizana Vigo, Miriam (2016). Tino Casal. Tal como fue. Autopublicado. ISBN 978-1530801527. 

Libros colectivos

• Cada día me gustas más (Relato: Ensayo sobre la fragilidad del amor). Hulems. 2016. ISBN 978-1540804501. .
• Personajes de novela (Relato: El peso de las lágrimas en el corazón). Playa de Ákaba. 2016. ISBN 978-8494625428. .
• Actos de F.E. (Relato: Dor). Cerbero. 2018. ISBN 978-84949845-5-6. .
• Misteria I (Relato: A Raíña). LES. 2019. ISBN 978-84-949350-7-7. .