Mikako Tabe

Mikako Tabe (xaponés: 多部未華子), nada en Toquio o 25 de xaneiro de 1989, é unha actriz xaponesa.

Mikako Tabe

Nome orixinal	(ja) 多部未華子
Biografía
Nacemento	25 de xaneiro de 1989 (35 anos) Toquio, Xapón
Datos persoais
País de nacionalidade	Xapón
Educación	Tokyo Woman's Christian University (pt)
Actividade
Ocupación	actriz
Lingua	Lingua xaponesa
Premios (2010)  Elan d'or Award for Newcomer of the Year (en) (2006)  Blue Ribbon Awards for Best Newcomer (en) , premiado polo traballo Hinokio (en)
Páxina web	tabemikako.com

Traxectoria

En 2002, con trece anos, asinou contrato coa axencia Hirata, e apareceu en pequenos papeis, como no vídeo musical Rainy (2003) da banda Janne Da Arc ou no especial Happy! Happy! da Nippon BS. Comezou a se facer coñecida ao encarnar a Kou Yaten nos musicais de Sailor Moon producidos en 2003 e 2004.

En 2005 pola súa participación nos filmes Hinokio ヒノキオ e Aozora no yukue 青空のゆくえ ("Cara onde vai o ceo azul?") levou o premio Blue Ribbon ao mellor actor revelación concedido pola Asociación de Xornalistas Cinematográficos de Toquio. A súa primeira actuación importante nunha serie de televisión foi en Yamada Tarō Monogatari 山田太郎ものがたり ("A historia de Tarō Yamada") que se emitiu entre xullo e setembro de 2007 na TBS, baseada no manga homónimo, e que recibiu valoracións favorables da crítica . En 2009 logo dunha audición na que participaron 1593 persoas foi a elixida para protagonizar a serie da NHK, Tsubasa つばさ. En 2010 gañou o premio Elan d'or ao mellor actor revelación concedido pola Asociación de Protutores do Xapón. En 2011 protagonizou en Nihon TV a serie Deka Wanko デカワンコ, baseada no manga homónimo, ao que lle seguiron varios especiais, e tamén dese ano é o filme romántico Kimi ni Todoke 君に届け ("Isto é para ti"). En 2015 protagonizou a serie de misterio Do S Deka ドS刑事 da NTV, baseada na novela de Yoshi Nanao.