Miguel García Cuesta
Miguel García Cuesta, nado en Macotera (Salamanca) o 6 de outubro de 1803 e finado en Santiago de Compostela o 18 de abril de 1873, foi un prelado católico español, que actuou no Concilio Vaticano I (1869 - 1870).
| Miguel García Cuesta | |
|---|---|
.jpg) | |
| Cardeal da Igrexa Católica Latina | |
| Biografía | |
| Nacemento | 6 de outubro de 1803 en Macotera, provincia de Salamanca |
| Alma máter | Universidade de Salamanca |
| Ordes | |
| Ordenación sacerdotal | 1 de marzo de 1828, por Agustín Varela y Temes |
| Consagración episcopal | 16 de xullo de 1848, por Juan Antonio Rivadeneyra |
| Creado cardeal | 27 de setembro de 1961, por Pío IX |
| Arcebispo de Santiago de Compostela Cardeal-Presbítero de Santa Prisca | |
| 1851 - 1873 | |
| Predecesor | Rafael de Vélez |
| Sucesor | Miguel Payá y Rico |
| Cargos anteriores | Bispo de Jaca (1847-1851) |
| Outros | |
| Ficha en catholic-hierarchy.org | |
Traxectoria editar
En 1847 foi promovido como bispo de Jaca (Huesca), desde onde pasou a presidir o arcebispado de Santiago de Compostela, ministerio que ostentaría desde 1851 até a súa morte en 1873.
En 1861 foi nomeado cardeal. Varios anos despois participou no Concilio Vaticano Primeiro, convocado polo papa Pío IX. Nas sesións conciliares defendeu ardentemente a declaración dogmática da Inmaculada Concepción de María, que finalmente sería aprobada.
Realizou persoalmente a reforma parroquial de 1867 da diocese de Santiago de Compostela.[1]
Durante a Década democrática, en plenas constituíntes, García Cuesta atacou a validez do matrimonio civil e negouse a xurar a Constitución española de 1869.
Trasladou o Seminario Diocesano, desde o Colexio de San Clemente, onde o aloxara o bispo Rafael de Vélez, para o mosteiro de San Martiño Pinario, ambos os dous lugares situados en Santiago de Compostela.
Sucesión apostólica editar
- Artigo principal: Sucesión apostólica.
- Miguel García Cuesta (1848)
- Juan Antonio Rivadeneyra (1831)
- Agustín Lorenzo Varela Temes (1824)
- Hipólito Antonio Sánchez Rangel de Fayas (1807)
- José Cuero y Caicedo
Notas editar
- ↑ "A reforma parroquial de 1867: a diocese de Santiago de Compostela". A parroquia en Galicia: pasado, presente e futuro (PDF). Xunta de Galicia. 2009. pp. 127–128. ISBN 978-84-453-4777-5. Arquivado dende o orixinal (PDF) o 03 de agosto de 2017. Consultado o 04 de decembro de 2018.
| Dignidades da Igrexa católica | ||
|---|---|---|
| Predecesor: Rafael de Vélez |
Arcebispo de Santiago de Compostela 1851 - 1873 |
Sucesor: Miguel Payá y Rico |
Wikimedia Commons ten máis contidos multimedia na categoría: Miguel García Cuesta  |