Michael Fakuade
Michael Olayinka Fakuade, nado o 18 de febreiro de 1989 en Chicago (Illinois), é un xogador profesional de baloncesto estadounidense con pasaporte nixeriano. Actualmente xoga para o Orléans Loiret Basket da LNB Pro B, no que se desenvolve na posición de ala-pivote cunha altura de 2,01 metros.
| Orléans Loiret Basket – No. 17 | |
| Información persoal | |
|---|---|
| Nacemento | 18 de febreiro de 1989 (35 anos) Chicago, Illinois
|
| Nacionalidade |  Estados Unidos Nixeria
|
| Altura | 2,01 m (6 ft 7 in) |
| Peso oficial | 90 kg (198 lb) |
| Posición | Ala-pivote |
| Liga | LNB Pro B |
| Información da carreira | |
| Universidade | Northern Illinois (2007–2010) Illinois-Springfield (2010−2012) |
| Carreira | desde 2012 |
| Historial de equipos | |
| UBC Hannover (2012–2013) ProB ETB Wohnbau (2013−2014) ProA Força Lleida (2014–2015) LEB Palencia (2015–2016) LEB CB Breogán (2016–2017) LEB Gipuzkoa Basket (2017–2018) ACB Orléans Loiret Basket (2018–presente) LNB Pro B | |
Traxectoria editar
Nado na cidade estadounidense de Chicago (Illinois), Michael Fakuade formouse na Universidade de Northern Illinois, onde xogou na primeira división da NCAA cos Northern Illionois Huskies. Posteriormente, entre 2010 e 2012, xoga para a Universidade de Illinois-Springfield, para acabar por dar o salto ao profesionalismo en Alemaña. En Europa debuta co UBC Tigers Hannover, equipo da ProB, terceira categoría do baloncesto xermano. Alí fai uns destacábeis 15,2 puntos e 10,6 rebotes por partido, chamando a atención do ETB Wohnbau da ProA, a segunda división do país. Na súa segunda temporada en Alemaña realizou 8,3 puntos e colleu 7,3 rebotes por partido.
Tras acabar a temporada non asina con ningún equipo, até que en outubro de 2014 convértese no último xogar en chegar ao cadro de xogadores do efectivo do Força Lleida da Liga LEB Ouro. Nas filas do conxunto catalán logra unhas medias de 7,2 puntos, 5,2 rebotes, 0,8 asistencias, 1 tapón e 8,5 de valoración por encontro. Ao ano seguinte asina polo Quesos Cerrato Palencia da mesma categoría, equipo onde se converte nunha peza fundamental para a consecución do título, aportando 9,8 puntos e 6,2 rebotes por partido. Tras finalizar a temporada, o 26 de setembro de 2016 asina co Club Baloncesto Breogán.[1]
Clubs editar
Northern Illinois Huskies (NCAA, 2007−2010)- Illinois-Springfield (NCAA, 2010−2012)
UBC Tigers Hannover (ProB, 2012−2013)- ETB Wohnbau (ProA, 2013−2014)
Força Lleida (LEB, 2014−2015)- Palencia (LEB, 2015−2016)
Breogán (LEB, 2016−2017)- Gipuzkoa Basket (ACB, 2017−2018)
Orléans Loiret Basket (LNB Pro B, dende 2018)
Notas editar
- ↑ "Michael Fakuade, novo xogador do Cafés Candelas Breogán". CBBreogan.gal. 26 de setembro de 2015.
Véxase tamén editar
Ligazóns externas editar
- Perfil en ACB.com (en castelán)
- Perfil en FEB.es (en castelán)