Meritxell Borràs

política catalá

Meritxell Borràs i Solé, nada en L'Hospitalet de Llobregat o 12 de abril de 1964, é unha política catalá, deputada no Parlamento de Cataluña. Foi a Conselleira de Gobernación, Administracións Públicas e Vivenda da Generalitat de Cataluña até o 27 de outubro 2017.[1]

Meritxell Borràs
Retrat oficial de la Consellera de Governació, Administracions Públiques i Habitatge, Meritxell Borràs.jpg
Nome completoMeritxell Borràs i Solé
Nacemento12 de abril de 1964
 L'Hospitalet de Llobregat
NacionalidadeEspaña
Alma máterUniversidade de Barcelona
Ocupaciónpolítica e farmacéutica
PaiJacint Borràs i Manuel
editar datos en Wikidata ]

TraxectoriaEditar

Filla de Jacint Borràs, un dos fundadores de Converxencia Democrática de Cataluña.[2] É licenciada en Farmacia e ten un mestrado en Xestión Empresarial pola Universidade de Barcelona ademais de realizar un curso de Liderado Político no IESE de Madrid. Traballou nos laboratorios Menarini durante sete anos e nos laboratorios Almirall durante dous anos. É socia de Òmnium Cultural, da Assemblea Nacional Catalana e do F. C. Barcelona ademais doutras entidades de Hospitalet.[3]

Traxectoria políticaEditar

Militante de Convergència Democràtica de Catalunya (CDC). Foi presidenta e fundadora da Joventut Nacionalista de Catalunya (JNC) en 1981 en Hospitalet de Llobregat e membro do Comité executivo nacional da JNC como responsable de comunicación e formación.

É membro do consello nacional de CDC, membro do Comité executivo nacional de CDC como responsable de políticas sociais e corresponsable do eido sectorial e membro do secretariado permanente de CDC.

Dende 1995 foi concelleira do Concello de L'Hospitalet de Llobregat e voceira do grupo municipal de Convergència i Unió en Hospitalet dende 1998. Foi cabeza de lista nas eleccións municipais en Hospitalet en 1999, 2003, 2007 e 2011.

En 1995 foi deputada na Deputación Provincial de Barcelona.

Ten unha ampla experiencia como deputada no Parlamento de Cataluña. Foi deputada da V, VI, VII, VIII e IX lexislaturas. Durante esta etapa foi membro da Comisión de Economía, Finanzas e Orzamento, da Comisión de Control da Actuación da Corporación Catalá de Medios Audiovisuais, da Comisión de Medio ambiente e Vivenda, da Comisión de Benestar e Inmigración, da Comisión de Traballo, Industria, Comercio e Turismo e da Comisión de Saúde. Tamén foi voceira de CiU na "Comisión Pujol".[3]

O 22 de xuño de 2015, coa remodelación do Goberno da Generalitat de Cataluña despois de que Unión Democrática de Cataluña saíse do goberno foi nomeada conselleira de Gobernación e Relacións Institucionais da Generalitat.[4][5]

Causa xudicialEditar

O 2 de novembro de 2017, a xuíz do Xulgado Central de Instrución n° 3 Carmen Lamela ordenou o seu ingreso en prisión provisional comunicada e sen fianza, xunto co ex-vicepresidente Oriol Junqueras e os ex-conselleiros Raül Romeva, Joaquim Forn, Dolors Bassa, Carles Mundó, Josep Rull e Jordi Turull pola investigación de tres delitos, incluídos os de rebelión, sedición e malversación.[6] Tras a asunción da causa seguida na Audiencia Nacional polo xuíz do Tribunal Supremo Pablo Llarena, este determina o 4 de decembro a liberdade baixo fianza de todos os ex-conselleiros, mantendo en prisión provisional unicamente a Junqueras e Forn.[7]

O luns 14 de outubro de 2019, o Tribunal Supremo de España sala do penal, emite a sentenza da causa penal seguida contra os 12 líderes cataláns do procés, a Meritxell Borrás, a condena a 1 ano e oito meses de inhabilitación.[8]

NotasEditar

  1. "Copia archivada". Arquivado dende o orixinal o 26 de xaneiro de 2016. Consultado o 14 de xaneiro de 2016. 
  2. "Jacint Borràs sospecha que Ferran Ariño fue en quien Pujol confió la gestió de la herencia de su padre". La Vanguardia. Consultado o 12 de xaneiro de 2016. 
  3. 3,0 3,1 "Meritxell Borràs: filla d'un fundador de CDC i veterana del Parlament". Ara. 22 de xuño de 2015. Consultado o 12 de xaneiro de 2016. 
  4. "Unió sale del Gobierno de Mas como rechazo al plan de independencia". El País. 18 de xuño de 2015. Consultado o 12 de xaneiro de 2016. 
  5. DECRET 112/2015, de 22 de juny, pel qual es nomena la senyora Meritxell Borràs i Solé consellera de Governació i Relacions Institucionals, 22 juny 2015.
  6. "Auto de prisión provisional de los ex-consejeros" (PDF). 2 de novembro de 2017. Consultado o 10 de xaneiro de 2018. 
  7. "El Supremo excarcela a los exconsejeros tras recibir las fianzas". Consultado o 10 de xaneiro de 2018. 
  8. El País. Reyes Rincón. Madrid, 15 outubro de 2019. JUICIO DEL PROCÉS. Sentencia del ‘procés’: penas de 9 a 13 años para Junqueras y los otros líderes por sedición y malversación. Consultado o 17 de outubro de 2019.