Meiko Kaji
Masako Ohta, nada en Chiyoda, Toquio, o 24 de marzo de 1947, é unha actriz e cantante xaponesa coñecida como Meiko Kaji (en xaponés: 梶 芽 衣 子, Kaji Meiko). Apareceu en preto de cen filmes,[1] sendo os seus papeis máis célebres os de personaxes fóra da lei en filmes de principios da década de 1970, como unha das rebeldes da serie Onna banchō nora-neko rokku ou as asasinas de Shurayuki-hime e Joshū Nana-maru-ichi Gō / Sasori.
| Nome orixinal | (ja) 梶芽衣子  |
|---|---|
| Biografía | |
| Nacemento | (ja) 太田雅子 24 de marzo de 1947 (77 anos)Chiyoda, Xapón |
| Datos persoais | |
| País de nacionalidade | Xapón |
| Actividade | |
| Ocupación | actriz , cantante , música |
| Período de actividade | 1965 - |
| Lingua | Lingua xaponesa |
| Instrumento | Voz |
| Selo discográfico | Teichiku Entertainment, Inc. (en)  |
Premios
| |
        | |
Traxectoria editar
Meiko Kaji naceu na área de Kanda, en Toquio, e formouse no instituto Yakumo en Meguro. Comezou a traballar na industria cinematográfica co seu nome real, Masako Ota, no estudo Nikkatsu en 1965 despois de graduarse no instituto.[2] En 1969 apareceu en Nihon Zankyoden, unha das series de filmes dirixidos por Masahiro Makino, que recoñeceu a súa capacidade interpretativa e lle deu o seu nome artístico de Meiko Kaji.[3] De 1970 a 1971 apareceu na serie de filmes sobre mozos delincuentes Noraneko Rokku.
En 1971, Nikkatsu pasouse ao pinku eiga e, para evitalo, Kaji cambiouse á Toei Company.[2] Alí realizou a serie de filmes Joshū Nana-maru-ichi Gō / Sasori. En 1973 asumiu o papel de Yuki no filme de vinganzas Shurayuki-hime, á que seguiu unha secuela, Shurayukihime - Urami renka. Continuou a súa carreira aparecendo en varios filmes de Kinji Fukasaku, como Yakuza no Hakaba: Kuchinashi no Hana (1976). En 1978, protagonizou Sonezaki Shinjū, polo que recibiu varios premios de interpretación.[4]
Kaji traballou na televisión desde os anos oitenta. En 1989 interpretou a Omasa, unha informante, no drama televisivo Onihei Hankachō (versión de Shochiku–Fuji Television protagonizada polo actor kabuki Nakamura Kichiemon II).
Kaji tamén foi cantante. Interpretou a canción de Shurayuki-hime, "Shura no Hana" (修羅 の 花), e o tema da serie Joshū Nana-maru-ichi Gō, "Urami Bushi" (怨 み 節). Cando estas dúas cancións foron empregadas no filme de Quentin Tarantino, Kill Bill, en 2003,[2] houbo un renacemento do interese pola música de Kaji que a animou a retomar a súa carreira musical.[5] En 2009 lanzou un sinxelo, "Onna wa yametai". En 2011, Kaji lanzou o seu primeiro disco novo en 31 anos, Aitsu no suki-so-na burūsu (あ い つ の 好 き そ な ブ ル ー ス)[6] con cancións escritas por Ryudo Uzaki e Yoko Aki.
Kaji recibiu ofertas para actuar en Hollywood, mais rexeitounas a todas, dicindo que non podía realizar unha boa interpretación nun idioma diferente ao xaponés.[7]
En maio de 2020, Kaji lanzou a súa propia canle en YouTube, como un xeito de celebrar o seu traballo con fans de todo o mundo e como un xeito de devolver todo o apoio que recibiu.
Notas editar
- ↑ "Profile at Ameba.Jp". 梶芽衣子プロフィール. ameba.jp. Arquivado dende o orixinal o 15 de marzo de 2021. Consultado o 9 de febreiro de 2012.
- ↑ 2,0 2,1 2,2 D., Chris (2005). "Meiko Kaji". Outlaw Masters of Japanese Film. Londres, Nova York: I.B. Tauris. p. 59. ISBN 1-84511-086-2.
- ↑ Isoda, Tsutomu (31 de agosto de 2008). Nihon Eiga Meisaku Kanzen Gaido: Shōwa No Autorō Hen Besuto 400 1960–1980 [Complete Guide to Classic Japanese Films: 400 Best Outlaw Films of the Showa Era 1960–1980] (en xaponés). p. 71. ISBN 978-4-401-75122-8.
- ↑ "Sonezaki Shinju (1978) Awards". IMDb. Consultado o 19 de decembro de 2008.
- ↑ Shiina, Muneyuki (1 de xuño de 2011). "Kaji Meiko Interview at Rooftop magazine" (en xaponés). Consultado o 16 de febreiro de 2012.
- ↑ "Archived copy". Arquivado dende o orixinal o 3 de xuño de 2011. Consultado o 3 de xuño de 2011.
- ↑ Shinsuke Kasai (entrevistador), Meiko Kaji (entrevistada) (2012). Nihon Eiga Retorosupekutibu. Nihon Eiga Senmon Channeru.
Véxase tamén editar
Bibliografía editar
- Rikke Schubart: Super Bitches and Action Babes: The Female Hero in Popular Cinema, 1970–2006 (McFarland & Company, USA 2007) ISBN 978-0-7864-2924-0
Ligazóns externas editar
- Schubart, Rikke. "Meiko Kaji: "Woman walking at the brink of life and death"". medievidenskab. Arquivado dende o orixinal o 02 de xullo de 2007. Consultado o 6 de xullo de 2007.
- Yahoo Japan Profile (en xaponés)