Mecenas
Caius Cilnius Maecenas nado en Arezzo, probablemente o 15 de abril do 69 a. C. e finado probablemente no ano 8 antes da nosa era, foi un estadista romano e patrono das letras.
  | |
| Nome orixinal | Caius Cilnius Maecenas |
|---|---|
| Biografía | |
| Nacemento | 15 de abril do 69 a.C. Arezzo, alegadamente (pt)  |
| Morte | 8 a.C. valor descoñecido |
| Datos persoais | |
| País de nacionalidade | Roma Antiga |
| Actividade | |
| Ocupación | político da Roma antiga , mecenas , poeta |
| Período de tempo | República Romana serodia e Alto Imperio Romano |
| Lingua | Lingua latina |
| Familia | |
| Cónxuxe | Terentia (en) |
| Pais | valor descoñecido e valor descoñecido |
Mecenas descendía dunha familia etrusca antiga e nobre. Foi conselleiro, colaborador e amigo de Octavio Augusto, a quen mesmo substituíu durante as súas ausencias de Italia. Posteriormente a relación arrefriou, posibelmente porque Augusto tivo un affaire coa muller de Mecenas, Terencia, mais no seu testamento designouno único herdeiro. Actuou como mediador nos tratados de Brindisi (40 a. C.) e Taranto (37 a. C.).
Mecenas foi unha figura chave na vida literaria da época augusta. Animou a súa política cultural, ao protexer e dirixir os creadores de máis prestixio, como Virxilio (quen lle dedicou as Xeórxicas), Horacio (a quen lle regalou Vila Sabina), Propercio, Varius Rufus, Plotius Tucca, Valgius Rufus ou Domitius Marsus.
É autor de obras en prosa (Prometeo, Simposio, In Octaviam, De cultu suo) e en verso, das que se conservan uns vinte fragmentos.
Legado editar
O seu nome é símbolo do padroado rico e xeneroso das artes. Os termos galegos mecenas e mecenado proveñen do seu nome.
| Vexa a entrada do Galizionario acerca de mecenas |