Maya Plisetskaya
Maya Mikhailovna Plisetskaya (en ruso: Майя Михайловна Плисецкая), nada en Moscova (Unión Soviética) o 20 de novembro de 1925 e finada en Múnic (Alemaña) o 2 de maio de 2015, foi unha das máximas bailarinas de ballet do Teatro Bolshoi, á cal se lle outorgou o título de prima ballerina assoluta.[1] Destacou por ser a mellor da súa época en papeis como Lebedínoye óziero, Don Quixote, Carmen Suite (ballet feito para ela) e a peza musical La Mort du cygne. En 1993 concedéuselle a cidadanía española.[2][3]
 (2011)  | |
| Nome orixinal | (ru) Майя Михайловна Плисецкая |
|---|---|
| Biografía | |
| Nacemento | 20 de novembro de 1925 Moscova, Rusia |
| Morte | 2 de maio de 2015 (89 anos) Múnic, Alemaña |
| Causa da morte | Morte natural (Infarto agudo de miocardio ) |
| Datos persoais | |
| País de nacionalidade | España (1993–) Alemaña Rusia Unión Soviética Lituania |
| Actividade | |
| Campo de traballo | Ballet |
| Ocupación | Bailarina, mestra de ballet, coreógrafa, actriz |
| Período de actividade | 1943 - |
| Lingua | Lingua rusa |
| Outro | |
| Título | Prima ballerina assoluta (en)  |
| Cónxuxe | Rodion Shchedrin (pt) (1958–2015) Māris Liepa (pt) (1956–1956) |
| Parella | Warren Beatty |
| Pais | Mikhail Plisetski (en) e Rachel Messerer (en) |
| Irmáns | Azari Plisetski (en) e Alexander Plisetski (en) |
| Parentes | Sulamith Messerer (pt) (sobriña) |
Premios
| |
| Páxina web | shchedrin.de |
      | |
Un dos símbolos indiscutibles da danza clásica, foi a prima ballerina assoluta dunha xeración que incluíu a Margot Fonteyn, Alicia Alonso e Yvette Chauviré. Está considerada pola maioría dos especialistas en danza a bailarina máis destacada da segunda metade do século XX.
Traxectoria editar
Plisetskaya naceu o 20 de novembro de 1925 en Moscova, nunha prominente familia de ascendencia xudía lituana, a maioría de cuxos membros estaban involucrados no teatro ou no cinema. A súa nai, Rachel Messerer, era actriz do cinema mudo. O bailarín Asaf Messerer era o seu tío materno e bailarín de Bolshoi. Sulamith Messerer era a súa tía materna. O seu pai, Mikhail Plisetski (Misha), era un diplomático, enxeñeiro e director de minas, e non involucrado nas artes, aínda que era un fanático do ballet. O seu irmán máis novo Azari Plisetski converteuse nun famoso bailarín e coreógrafo, e a súa sobriña Anna Plisetskaya tamén se converteu en bailarina.
Maya Plisetskaya entrou no mundo da danza á idade de tres anos na Escola de Danza de Moscova e, a pesar dun difícil ambiente familiar (o seu pai Mikhail Plisetski, foi executado por orde de Stalin en 1938 e a súa nai, Rachel Messerer, foi deportada co seu irmán Azari ao gulag), destacou rapidamente na escola do Teatro Bolshoi, baixo a influencia dos seus tíos Asaf e Sulamith Messerer, bailaríns dese teatro, compañía á que se uniu Maya en 1943 e da que se converteu en primeira bailarina con só 18 anos. Comezou a súa carreira profesional interpretando La Mort du cygne.
Despois de anos de veto, emprendeu xiras internacionais durante as que visitou países como os Estados Unidos, Francia, o Reino Unido, Italia (onde foi directora do Ballet da Ópera de Roma), a Arxentina (actuou con éxito clamoroso no Teatro Colón e no Teatro Juan de Beira, da cidade de Corrientes, en 1975–1976 onde regresou en varias oportunidades) e en España (onde dirixiu a Compañía Nacional de Danza), que lle permitiron coñecer e colaborar con grandes personalidades e obter recoñecemento internacional nos máis importantes teatros.
Atreveuse a romper a rutina soviética incorporando danza moderna e traballando cos coreógrafos Alberto Alonso, Maurice Béjart e Roland Petit, que crearon varias pezas para ela como "Carmen", "Isadora" e "La rose malade".
En conmemoración dos seus 80 anos celebrouse en Moscova unha semana de actividades.[4]
Principais interpretacións editar
Posuidora dun soberbio port-des-bras, a súa interpretación do dobre rol de Odette–Odile en Lebedínoye óziero así como de La Mort du cygne son vistas por algúns como "definitivas".[5] Foi unha incomparable intérprete de Kitri en Don Quixote, A noite de Valpurgis e Raymonda. En cambio, foron moi esporádicas as súas actuacións como Giselle e Aurora de Spyashchaya krasavitsa.
Unha das pioneiras da danza moderna en Rusia, foi aclamada no ballet Carmen Suite con coreografía do cubano Alberto Alonso e na coreografía de Maurice Béjart do Bolero[6][7] de Ravel.
Distincións editar
- Artista do pobo da URSS (1959)
- Anna Pavlova de París (1962)
- Premio Lenin (1964)
- Heroe do Traballo Socialista (1985)
- Lexión de Honra de Francia (1986)
- Medalla de Ouro das Belas Artes de España (1991)
- Medalla ao Servizo de Rusia en dúas ocasións (1995 e 2000)
- Praemium Imperiale do Xapón (2006)
- Premio Princesa de Asturias das Artes (2005)
- Orde ao Mérito pola Patria
- Doutora honoris causa polas Universidades Lomonosov de Moscova e a Sorbona de París.
Notas editar
- ↑ "Fallece a los 89 años la célebre bailarina rusa Maya Plisétskaya".
- ↑ "Maya Plisétskaya obtiene la nacionalidad española".
- ↑ "REAL DECRETO 1959/1993, de 5 de noviembre, concediendo la nacionalidad española por carta de naturaleza a doña Maya Plisetskaya" (PDF).
- ↑ Honoring Russia's, 'prima' ballerina (en inglés)
- ↑ Vídeo
- ↑ Vídeo
- ↑ Vídeo
Véxase tamén editar
Wikimedia Commons ten máis contidos multimedia na categoría: Maya Plisetskaya  |
Bibliografía editar
- Autobiografía: Yo, Maya Plisétskaya. Gallimard, coll,1995, 492 pp. ISBN 2-07-074111-7
- Maya Plisetskaïa, Diva of dance (DVD), EuroArts, 2054938
- Maïa, Katia et Volodia, Doriane Films, Ref: MUDA-7-200
- Maïa Plissetskaïa Assoluta
- Maïa, Iconothèque russe et soviétique.