Maud Wagner
Maud Stevens Wagner (de solteira Stevens), nada en Emporia (Kansas) o 12 de febreiro de 1877 e finada en Lawton (Oklahoma) o 30 de xaneiro de 1961, foi unha artista de circo estadounidense. Foi a primeira muller tatuadora da que se ten constancia nese país.
 | |
| Biografía | |
|---|---|
| Nacemento | Maud Stevens 12 de febreiro de 1877  Condado de Lyon, Estados Unidos de América (pt)  |
| Morte | 30 de xaneiro de 1961 (83 anos) Lawton, Oklahoma, U.S. |
| Datos persoais | |
| País de nacionalidade | Estados Unidos de América |
| Actividade | |
| Ocupación | tattoo artist (en) , acróbata , contorcionista (pt) |
| Familia | |
| Cónxuxe | Gus Wagner |
| Pai | David Van Buran Stevens (en) |
  | |
Traxectoria editar
Filla de David Van Bran Stevens e Sarah Jane McGee, Wagner foi acróbata e contorsionista, e traballou en numerosos circos ambulantes. Coñeceu a Gus Wagner (un tatuador que se describía a si mesmo como «o home con máis tatuaxes artísticas dos EUA») de xira con circos e feiras.[1] Foi en 1904 na Exposición Universal de San Luis, onde Maud traballaba como acróbata. Tivo unha cita romántica con el para aprender a tatuar e casaron varios anos máis tarde. A súa filla, Lotteva, iniciouse na tatuaxe con nove anos e converteuse en tatuadora.[2]
Como aprendiza do seu marido, Wagner aprendeu a técnica tradicional do handpoke, malia que Samuel O'Reilly inventara a máquina de tatuar o 8 de decembro de 1891.[3] Ambos foron dous dos últimos tatuadores que traballaban a man, sen axuda de máquinas modernas.[4]
Tras deixaren o circo, Maud e Gus viaxaron polos Estados Unidos. Traballaron como tatuadores e tamén se exhibiron como "atraccións" en teatros de vodevil e feiras de condado. Amais, levaron a arte da tatuaxe ao interior do país, lonxe das áreas de litoral onde se iniciara.[5]
Morte editar
Maud morreu de cancro vinte anos despois de Gus, o 30 de xaneiro de 1961, na casa da súa filla en Lawton (Oklahoma). Esta enterrada no Cemiterio de Homestead (Kansas).
Notas editar
- ↑ Oxinalde, Susana M. (23 de abril de 2023). "Maud Wagner: la tatuadora profesional que sacudió los estigmas". Deia (en castelán). Consultado o 2 de xaneiro de 2024.
- ↑ Lokke, Maria (15 de xaneiro de 2013). "A Secret History of Women and Tattoo". The New Yorker (en castelán). Consultado o 2 de xaneiro de 2024.
- ↑ Hudson, Karen L. (2007). Chick Ink: 40 Stories of Tattoos--And the Women Who Wear Them (en inglés). Simon and Schuster. ISBN 9781440517068.
- ↑ Sloan, Mark (1990). Hoaxes, Humbugs and Spectacles (en inglés). Villard. ISBN 9780394585116.
- ↑ Wertkin, Gerard C., ed. (2004). Encyclopedia of American folk art (en inglés). Routledge. p. 510. ISBN 9780203644485.