Matilde de Artois (1268-1329)

Matilde de Artois (en francés: Mahaut d'Artois ), nada en 1268 e finada en París o 28 de outubro de 1329, tamén coñecida como Mathilda, foi unha nobre francesa, a única filla de Roberto II de Artois, conde de Artois e Amicia de Courtenay.

Matilde de Artois
Nacemento	c. 1269 e c. 1270
Lugar de nacemento	Francia
Falecemento	27 de outubro de 1329, novembro de 1329, 27 de novembro de 1329 e 1329
Lugar de falecemento	París
Soterrada	Abadia de Maubuisson
Nacionalidade	Reino de Francia
Ocupación	política e feudataria
Pai	Roberto II el Noble
Nai	Amícia de Courtenay
Cónxuxe	Otão IV, Conde da Borgonha
Fillos	Joana II, Condessa da Borgonha, Branca da Borgonha e Robert, Count of Burgundy
Irmáns	Philippe d'Artois
Na rede
[ editar datos en Wikidata ]

Matilde de Artois

Traxectoria

Liñaxe

Os seus avós paternos eran Roberto I, conde de Artois, e Matilde de Brabante. Os seus avós maternos eran Pedro de Courtenay, señor de Courtenay e Petronila de Joigny.

Irmáns

1. Filipe de Artois (1269 - 1298), casado con Branca de Dreux, filla de Xoán II, duque de Bretaña, de quen tivo cinco fillos.
2. Roberto de Artois (n. 1271), que morreu novo.

Matrimonio e descendencia

En 1291, Matilde casou con Odón IV, conde de Borgoña, de quen tivo tres fillos, entre eles dúas fillas que casaron cos príncipes de Francia:

• Xoana II (1292-1330), casada con Filipe de Poitiers, máis tarde rei Filipe V.
• Branca (1296? -1326), casada con Carlos IV de Francia.
• Roberto (1300-1315).

Debido á morte prematura do seu irmán Filipe en 1298, herdou o condado de Artois á morte do seu pai en 1302, en lugar do seu sobriño Roberto (a pretensión deste último á herdanza baseábase na proximidade consanguínea). Aínda que el reiteradamente desafiaba esta decisión, os dereitos de Matilda sobre o condado foron constantemente mantidos. Foi unha administradora capaz e conseguiu vencer moitas rebelións perpetradas por membros da nobreza. O seu principal administrador foi o bispo da diocese de Arres, Thierry d'Hérisson. Á súa morte en 1329, o condado foi herdado pola súa filla Xoana, condesa de Borgoña, raíña viúva de Filipe V de Francia.

Tras a morte do recentemente nacido rei Xoán I de Francia, no reino se rumoreaba que Matilde o envelenara, xa que manifestou un sospeitoso interese en presentar o rei aos grandes baróns, tras o cal, esa mesma noite, malia que gozaba de boa saúde, o rei caeu enfermo e morreu na madrugada do día seguinte. Á súa morte, o condado foi herdado pola súa filla Xoana II, condesa de Borgoña.

Na ficción

Matilde de Artois é unha das personaxes principais d'Os reis malditos, unha serie de novelas históricas escritas por Maurice Druon. Druon descríbea como a envelenadora do rei Luís X e do seu fillo recentemente nado, sendo á súa vez envelenada por unha criada, que orixinalmente a axudou a envelenar aos reis. Foi interpretada por Hélène Duc na miniserie para televisión de 1972 e por Jeanne Moreau no remake de 2005.

Véxase tamén

Bibliografía

• Cox, Eugene (1999). "The kingdoms of Burgundy, the lands of the house of Savoy and adjacent territories". En Abulafia, David. The New Cambridge Medieval History: Volume 5, C.1198-c.1300. Cambridge University Press. 
• Dunbabin, Jean (2011). The French in the Kingdom of Sicily, 1266–1305. Cambridge University Press. 
• Sample, Dana L. (2008). Villalon, L.J. Andrew; Kagay, Donald J., eds. Philip VI's Mortal Enemy: Robert of Artois and the Beginning of the Hundred Years War', The Hundred Years War (Part II): Different Vistas. Brill. 
• Small, Carola M. (1990). "Messengers in the County of Artois, 1295-1329". Canadian Journal of History 25 (2): 163–175. doi:10.3138/cjh.25.2.163. Arquivado dende o orixinal o 29 July 2013. 
• Wood, Charles T. (1966). The French Apanages and the Capetian Monarchy, 1224-1328. Harvard University Press.