Mary Ann Shaffer
Mary Ann Shaffer, nada en Martinsburg (Virxinia Occidental) o 13 de decembro de 1934 e finada en San Anselmo (California) o 16 de febreiro de 2008[1], foi unha escritora estadounidense.
| Biografía | |
|---|---|
| Nacemento | 13 de decembro de 1934  Martinsburg, Estados Unidos de América |
| Morte | 16 de febreiro de 2008 (73 anos) San Anselmo, Estados Unidos de América |
| Datos persoais | |
| País de nacionalidade | Estados Unidos de América |
| Actividade | |
| Ocupación | bibliotecaria , novelista , escritora |
| Período de actividade | 2008 - |
| Lingua | Lingua inglesa |
| Obra | |
Obras destacables | |
  | |
Traxectoria editar
Tivo unha irmá máis vella, Cynthia. As dúas criáronse en Romney. En 1956 casou con Carl Richard Shaffer, e dous anos despois mudáronse a California, onde criaron dúas fillas, Morgan e Liz. Traballou nas bibliotecas públicas de San Anselmo, Larkspur e San Rafael, e na editorial Harper & Row, comezando como recepcionista e rematando como editora[2]
En 1976 unha viaxe á illa de Guernsey, no Canal da Mancha, obrigouna a esperar nun aeroporto durante horas por causa da néboa, o que lle permitiu ler Jersey Under the Jackboot, un libro de Reginald C. F. Maugham sobre a ocupación alemá durante a segunda guerra mundial. Isto serviulle de inspiración para a novela A Sociedade Literaria e do Pastel de Pel de Pataca de Guernsey, acabado pola súa sobriña Annie. Mary Ann Shafffer faleceu por mor dunha enfermidade sen chegar a ver publicado este libro[3].
Notas editar
- ↑ Obituario Arquivado 17 de outubro de 2019 en Wayback Machine. (en inglés)
- ↑ "lecturalia.com".
- ↑ "A sociedade literaria e do pastel de pel de pataca de Guersney, de Mary Ann Shaffer e Annie Barrows", recensión de Ramón Nicolás, 20 de xaneiro de 2017.