Marta Giráldez Barral
Marta Giráldez Barral, nada en Paradela (Meis) en 1977, é unha política e avogada galega[1].
| Biografía | |
|---|---|
| Nacemento | 1977  (46/47 anos)Paradela, España |
| Alcaldesa de Meis | |
| 2019 – ← José Luis Pérez Estévez | |
| Datos persoais | |
| País de nacionalidade | España |
| Actividade | |
| Ocupación | avogada , política |
| Partido político | Partido dos Socialistas de Galicia |
| Lingua | Lingua galega |
Traxectoria editar
Dirixe un bufete de avogados en Caldas de Reis. En 2007 encabezou a candidatura do PSdeG-PSOE ao concello de Meis pasando de 1 a 3 concelleiros e sendo a segunda forza máis votada, se ben non conseguiu acabar coa maioría absoluta do PPdeG. En 2011 repetiu os resultados de catro anos antes, e en 2015 conseguiu un novo avance ao pasar de 3 a 5 concelleiros, quedando o PPdeG con 7 á beira de perder a maioría absoluta tras un polémico reconto na mesa da Armenteira, sen cuxos resultados os populares terían complicado revalidar a maioría[2].
Nas municipais de 2019 encabezou de novo a candidatura socialista, conseguindo empatar a 5 concelleiros co PPdeG fronte a 1 do BNG, co que os populares perderon nesta ocasión a maioría absoluta. Desta forma, foi elixida alcaldesa ao contar co apoio do BNG na investidura, se ben non se constituíu un goberno de coalición entre ambas as forzas, gobernando os socialistas en minoría. En decembro de 2019 asumiu a presidencia da Mancomunidade do Salnés[3]. Nas municipais de 2023 foi reelixida alcaldesa con maioría absoluta.
| Predecesor: José Luis Pérez Estévez |
 Alcaldesa de Meis 2019 - actualidade |
Sucesor: no cargo |
Notas editar
- ↑ "Marta Giráldez compatibilizará la alcaldía de Meis con su trabajo de abogada". La Voz de Galicia. 14 de xuño de 2019.
- ↑ "La impugnación del PSOE de una mesa electoral acaba en el juzgado". Diario de Arousa.
- ↑ "La socialista Marta Giráldez sortea el veto del PP y asume las riendas de la Mancomunidade". Faro de Vigo. 17 de decembro de 2019.