Marie Meurdrac
Marie Meurdrac, nada en Mandres-les-Roses (París) en 1610 e finada en 1680, foi unha alquimista e química francesa do século XVII coñecida polo seu traballo La chymie charitable & facile, en faveur des dames ( Química benéfica e fácil para as mulleres ), publicado. en 1666. [1] Este traballo é un dos primeiros escritos sobre temas de química e farmacéutica por unha muller e para mulleres. [2]
  | |
| Biografía | |
|---|---|
| Nacemento | 1610 (<20 de febreiro de 1613) Mandres-les-Roses, Francia |
| Morte | 1680 (69/70 anos) |
| Datos persoais | |
| País de nacionalidade | Francia |
| Actividade | |
| Ocupación | química |
| Lingua | Lingua francesa |
| Obra | |
Obras destacables
| |
| Familia | |
| Pais | Vincent Meurdrac (en)  e Elisabeth Dovet (en) |
| Irmáns | Madame de La Guette (en) |
Traxectoria editar
Marie Meurdrac era a filla máis vella de Vincent Meurdrac, notario real de Mandres-les-Roses . Tivo unha irmá chamada Catherine, Madame de la Guette (1613-1676) coñecida polas súas Mémoires (1681) grazas ás que se coñecen detalles da biografía de Marie. [3]
A pesar dos poucos datos dos que se dispón sobre ela, parece que a súa formación foi fundamentalmente autodidacta, aínda que si parece que asistiu a un dos obradoiros de Química e Farmacia de Jean Beguin en París, probablemente como única muller. En 1625 casou con Henri de Vibrac, comandante da garda de Charles de Valois con quen vivía no Château de Grosbois, en Boissy-Saint-Léger. Alí coñeceu á condesa de Guiche, esposa de Armand de Gramont, conde de Guiche, a quen máis tarde lle dedicaría a súa obra.
La chymie charitable & facile, en faveur des dames editar
A súa obra Química caritativa e fácil para as damas (1666), [4] representa a primeira obra sobre este tema escrita por unha muller desde María a Xudía, cuxa obra parece ser que ela descoñecía.
A súa estrutura divídese en seis seccións:
- Sobre os principios da alquimia.
- Sobre a elaboración de medicamentos e pomadas para diferentes enfermidades.
- Sobre os animais.
- Sobre metais, especialmente mercurio e antimonio
- Consellos e métodos para aumentar a beleza
- Símbolos, aparellos e métodos para a fabricación de produtos químicos.
Os cinco primeiros, como era normal nos libros de texto de química da época, dan as pautas para preparar os medicamentos. Na sexta parte explicou como se preparan a maquillaxe ou as tinturas para o cabelo, pero tamén advertiu dos perigos de moitas substancias que se utilizan para elaborar produtos cosméticos. [3]
Na súa obra afirma que os espíritos non teñen sexo e que se as mulleres recibisen a mesma instrución que os homes, poderían igualalos. [5]
É unha das mulleres que Molière criticou na súa obra As mulleres sabias (1672). [3]
O libro tivo un grande éxito e entre 1666 e 1738 apareceron doce edicións. [5]
Notas editar
- ↑ Laboratorio del lenguaje (3 de xuño de 2015). "Marie Meurdrac". Diario Médico. Arquivado dende o orixinal o 14 de xuño de 2018. Consultado o 10 de abril de 2018.
- ↑ Adela Muñoz Páez, Adela; Garritz, Andoni (2013). "Mujeres y química Parte I: De la antigüedad al siglo XVII" 24 (1): 2-7. ISSN 0187-893X.
- ↑ 3,0 3,1 3,2 "Marie Meurdrac y su química para mujeres | Ciencia y más" (en castelán). 2016-04-06. Consultado o 2021-11-19.
- ↑ "Documento 3. Marie Meurdrac". Materiales para la coeducación. Centre Dolors Piera d'Igualtat d'Oportunitats i Promoció de les Dones. Arquivado dende o orixinal o 10 de abril de 2018. Consultado o 10 de abril de 2018.
- ↑ 5,0 5,1 Pathou-Mathis, Mayléne (2021). El hombre prehistórico es también una mujer : una historia de la invisibilidad de las mujeres. Lumen. ISBN 978-84-264-1009-2. OCLC 1268515285. Consultado o 2021-11-19.
Véxase tamén editar
Ligazóns externas editar
- Marie Meurdrac y su química para mujeres no blog Mujeres con ciencia