Marie-Louise Lachapelle
Marie-Louise Lachapelle, nada en París o 1 de xaneiro de 1769 e finada na mesma cidade o 4 de outubro de 1821, foi unha comadroa francesa, que chegou a desempeñar o cargo de xefa de obstetricia no Hôtel-Dieu de París, o hospital máis antigo de París. Publicou libros de texto sobre anatomía da muller, xinecoloxía e obstetricia.[1] Era contraria ao uso dos fórceps e escribiu Pratique des accouchements, que se converteu durante moito tempo no texto de obstétrica estándar, e en que promoveu os partos naturais. Lachapelle é considerada xeralmente a nai da obstetricia moderna.
  | |
| Biografía | |
|---|---|
| Nacemento | 1 de xaneiro de 1769 París (Reino de Francia) |
| Morte | 4 de outubro de 1821 (52 anos) |
| Causa da morte | Morte natural (Cancro de estómago ) |
| Lugar de sepultura | Cemiterio do Père-Lachaise |
| Datos persoais | |
| País de nacionalidade | Francia |
| Actividade | |
| Ocupación | matrona |
| Lingua | Lingua francesa |
| Familia | |
| Nai | Marie Jonet |
| Parentes | Antoine Louis Dugès (sobriño) |
Traxectoria editar
Lachapelle naceu en París, filla única dunha coñecida comadroa, Marie Jonet, e de Louis Dugès, un funcionario de saúde.[2][3] Ademais, a súa avoa tamén era comadroa. Moi nova, comezou a traballar como matrona grazas ás ensinanzas recibidas dende nena da súa nai. En 1792, casou cun cirurxián que traballaba no Hôpital Saint-Louis.[4]
Entre 1792 e 1795, deu a luz unha filla e deixou de traballar,[5] mais a morte do seu home, acontecida tras tres anos de matrimonio, convertérona na única responsable do mantemento da súa filla, o que supuxo ter que volver traballar como comadroa.[6]
A súa filla non seguiu a tradición familiar de especializarse para ser comadroa e ingresou nun convento.[7]
Lachapelle faleceu de cancro de estómago en 1821 logo dunha curta enfermidade.
Carreira editar
Mentres a súa nai aínda vivía, reorganizárase a sala de maternidade, e Lachapelle asistía a súa nai como matrona xefa asociada. Á idade de doce anos, xa asistía en partos complicados.[7]
Trala morte da súa nai, Lachapelle herdou a posición que esta tiña como xefa no Hôtel-Dieu, o hospital público máis grande de París, en 1797. O hospital asistía os pobres e foi apoiado economicamente por Notre Dame de París.[5] Era o mellor hospital obstétrico do seu tempo e era coñecido pola súa escola de matronas.[8] Pasou parte de 1796 e 1797 ampliando os seus estudos de obstetricia con Franz Naegele.[9]
Jean-Louis Baudelocque deuse de conta da necesidade dunha escola organizada de comadroas. Debido á experiencia médica de Lachapelle e a súa reputación, foille solicitado que dirixise a nova escola normal de comadroas, e o hospital para nenos que o goberno de Napoleón estableceu en Port Royal, a Maternidade. Coa finalidade de incrementar aínda máis os seus coñecementos en obstetricia, Lachapelle foi a Heidelberg para estudar, e logo regresou a París, onde se converteu en xefa da maternidade e o hospital de nenos do novo Hospicio da Maternidade, unha rama do Hôtel-Dieu de Port Royal.[6][10]
Lachapelle faleceu sen rematar o seu libro, que foi finalizado polo seu sobriño Antoine Louis Dugès, tamén obstetra, que o publicou en 1825 baixo o título Pratique des accouchements; ou Mémoires et observaciones choisies, sur les points les plus importants de l'art. O libro foi moi influente en todo o século XIX.[5] Nel púxose en evidencia o seu rexeitamento ao emprego de fórceps no parto para a maioría dos casos e avogou por unha intervención mínima polos médicos durante o mesmo.[11]
Notas editar
- ↑ Historia de las Mujeres en la Ciencia para Jóvenes. Vivian Sheldon Epstein. 1995. VSE Editorial. ISBN 978-0-9601002-7-9. páx. 35
- ↑ Delacoux 1833, p. 97.
- ↑ Diccionario de las mujeres célebres. A. Jourcin i Ph Van Tieghem. 1970. Páx. 150
- ↑ Annuaire nécrologique ou complément annuel et la continuación de toutes les biografías ou Dictionnaires historiques. Mahul, A. París, Ponthieu de 1822. Vol. 2. Páx. 229
- ↑ 5,0 5,1 5,2 Oakes 2002, p. 208.
- ↑ 6,0 6,1 El Diccionario Biográfico de Mujeres en la Ciencia: LZ. Marilyn Bailey Ogilvie. 2000. Taylor & Francis. páxina 731
- ↑ 7,0 7,1 Napoleón y la cuestión de la mujer: Discursos del otro sexo en la educación francesa, Medicina y Derecho Médico 1799-1815, June K. Burton. 2007. Texas Tech University Press. Páx. 98
- ↑ Alic 1999.
- ↑ June K. Burton casts that into doubt: Napoleon and the woman question: Discourses of the other sex in French education, medicine, and medical law 1799-1815, páx. 101
- ↑ Enciclopedia Espasa. Volume 29. P. 174. 1916. ISBN 84-239-4529-4
- ↑ Alic 1999, pp. 306-307.
Véxase tamén editar
Bibliografía editar
- Alic, Margaret (1999). Proffitt, Pamela, ed. Marie-Louise (Dugès) Lachapelle. Notable Women Scientists (Gale Group). ISBN 0-7876-3900-1.
- Oakes, Elizabeth H. (2002). International Encyclopedia of Women Scientists. Facts On File. ISBN 0-8160-4381-7.
- Ogilvie, Marilyn; Harvey, Joy (2000). The Biographical Dictionary of Women in Science. ISBN 0-415-92040-X.
- Annuaire médico-chirurgical des hopitaux et hospices civils de Paris. París: Crochard. 1819. Consultado o 6 de febreiro de 2013.
- Delacoux, Aloïs (1833). "Lachapelle (Marie-Louise Dugès, veuve)". Biographies des sages-femmes célèbres anciennes, modernes et contemporaines (en francés). París: Trinquart. pp. 97–106. Arquivado dende o orixinal o 13 de xuño de 2015. Consultado o 7 de febreiro de 2013.