MariaDB

MariaDB
	Un dos logos de MariaDB
Autor orixinal	Michael Widenius
Desenvolvedor(es)	MariaDB Foundation
Publicación inicial	22 de xaneiro de 2009
Última versión	10.10.2; (17 de novembro de 2022)
Repositorio	github.com/MariaDB/server
Escrito en	C, C++, Perl, Bash
Sistema operativo	(Unix, Windows, Solaris, Linux, MacOS, BSD)
Plataforma/s	Multiplataforma
Lingua/s	inglés
Tipo	RDBMS
Licenza	GNU General Public License (versión 2)
Sitio web	mariadb.org

MariaDB é o nome dunha comunidade de desenvolvedores derivados da base de datos MySQL con licenza libre GNU GPL creada por Michael Widenius (fundador de MySQL) despois de ser mercado MySQL por Oracle.

O sistema ten dous motores de almacenamento novos: Aria, que substitúe a MyISAM e XtraDB que substitúe a InnoDB. MariaDB mantén unha alta compatibilidade con MySQL xa que ten as mesmas ordes, interfaces, APIs e bibliotecas.

Sistema editar

MariaDB emprega os números de versión, ata 5.5, seguindo a numeración de MySQL e as características son as mesmas.

MySQL tiña versión 5.0 á que seguiu a 5.5. MariaDB tivo versións 5.1, 5.2 e 5.3. Esas versións foron introducindo algunhas características, pero non tódalas funcións dispoñibles en MySQL 5.5.

Despois da versión 5.5, os desenvolvedores de MariaDB decidiron empezar unha nova rama numerando como 10. Este troco fíxose para deixar máis claro que MariaDB (no futuro) non importará tódalas características de MySQL 5.6 (porque algunhas delas non parecen ser o suficientemente estables para as normas de MariaDB).

Clientes editar

DBEdit — aplicación libre para a administración para MariaDB e outras bases de datos.
Navicat — series propietarias de aplicacións xestoras de bases de datos para Windows, Mac OS X e Linux.
MonYog e SQLYog — xestor gráfico de bases de datos, monitor e avisos.
HeidiSQL — cliente libre para MySQL en Windows. Incluído co paquete Windows MSI de MariaDB achegado coa versión.