Marcello Bertinetti
Marcello Bertinetti, nado en Vercelli o 26 de abril de 1885 e finado no mesmo lugar o 31 de xullo de 1967, foi un médico, futbolista e tirador de esgrima italiano, gañador dunha medalla olímpica.
Marcello Bertinetti | |||
---|---|---|---|
Información persoal | |||
Nacemento | 26 de abril de 1885 | ||
Lugar de nacemento | Vercelli | ||
Falecemento | 31 de xullo de 1967 | ||
Lugar de falecemento | Vercelli | ||
Posición | dianteiro | ||
[ editar datos en Wikidata ] | |||
Traxectoria editar
Bertinetti foi o fundador da sección futbolística do Società Ginnastica Pro Vercelli en 1903 despois de ver en Turín un partido de fútbol,[1] formando parte do equipo que conquistou o campionato de Italia de fútbol de 1908[2]. No ano 1909 xogou co Juventus como centrocampista durante unha tempada.[3]
Practicante de esgrima, competiu nos Xogos Olímpicos de 1908 de Londres, logrando a medalla de prata en sabre por equipos, rematando cuarto na proba de espada por equipos, en espada e sabre individual non logrou superar a primeira rolda. Entre 1911 e 1922 foi médico en Libia. Nos Xogos Olímpicos de 1924 de París foi campión olímpico en sabre por equipos e medalla de bronce en espada por equipos. A súa última participación olímpica foi nos Xogos Olímpicos de 1928 de Ámsterdan quedando primeiro en espada por equipos[4]. Foi tamén medalla de bronce nos Mundiais de esgrima de 1929 es espada individual[5].
Notas editar
- ↑ (en inglés) Allen Guttmann Games and Empires: Modern Sports and Cultural Imperialism
- ↑ (en inglés) Unione Sportiva Pro Vercelli - Short Historical Overview 1892-1960 no sitio da RSSSF
- ↑ Pérfil (en italiano) na web do Juventus
- ↑ (en inglés) Pérfil de Marcello Bertinetti Arquivado 25 de agosto de 2011 en Wayback Machine. en sports-reference.com Arquivado 01 de febreiro de 2010 en Wayback Machine.
- ↑ (en italiano) Palmarés dos Mundiais na web da Federación Italiana de Esgrima Arquivado 21 de setembro de 2008 en Wayback Machine.