Marcelino Gómez Arias
Marcelino Gómez Arias, nado en Armeirín (Presno, Castropol) o 5 de setembro de 1880 e finado en Crecente o 13 de marzo de 1924, foi un xornalista e político republicano de orixe asturiana.
  | |
| Biografía | |
|---|---|
| Nacemento | 5 de setembro de 1880 Castropol, España |
| Morte | 13 de marzo de 1924 (43 anos) Crecente, España |
| Datos persoais | |
| País de nacionalidade | España |
| Actividade | |
| Ocupación | xornalista , político |
| Lingua | Lingua castelá |
Traxectoria editar
Sendo mozo emigra a América dende o porto de Vigo, pasando antes por Angudes (Crecente), onde residía o seu irmán Segundo. Participou na Revolución Uruguaia de 1904. En outubro de 1905 regresa a Galicia e desde Angudes organiza o que sería a Partida de Crecente con mozos de Angudes, Rebordechán, Valongo, Cortegada e Trado, para a revolta republicana. A partida chegou a Bande o 27 de outubro, pero ante o fracaso do plan no Estado, vense obrigados a fuxir a Portugal. Marcelino marcha de novo a América. Instálase en Tandil onde participa na creación do Partido Republicano Español na Argentina e funda o periódico La España Moderna. Coa intención de regresar a España, instálase en Portugal onde volve editar La España Moderna e despois El Clamor Español. Participou na Revolución Republicana Portuguesa de 1910. Instalado en Angudes, estableceu a granxa modelo Tierra Libre. Abandeirou a loita contra o caciquismo, contra os foros e contra o imposto de consumos no partido xudicial da Cañiza. Editou os periódicos Tierra Libre e El Amigo del Pueblo e foi correspondente de La Libertad.
Foi presidente da Sociedad Española de Artistas Notables; e fundador, xunto cos máis destacados personaxes da cultura española, da Liga para a Defensa dos Dereitos do Home; é autor de múltiples obras e artigos, impulsor da unidade dos republicanos españois, e unha loita diaria sen cuartel a prol da República, os dereitos dos agrarios e contra do caciquismo. O seu pasamento chegou cando aínda non cumprira os 44 anos, despois dunha persecución sen límite polo caciquismo.
Obras editar
- Revolución uruguaya de 1904: sus operaciones en el sud. Bos Aires, Establecimiento La Leonesa, 1905.
- Entre obreros: diálogo sociológico. Madrid, Biblioteca de La España Moderna, 1910.
- La huelga. Madrid, Biblioteca de La España Moderna, 1910.
Véxase tamén editar
Bibliografía editar
- Ramos Rodríguez, Perfecto (2009). "Marcelino Gómez Arias (1880-1924): Unha loita pola República e o agrarismo entre América, Portugal e Galicia" (PDF). Estudos Migratorios (CCG) II (2): 135–162.
Ligazóns externas editar
- O adiantado que berrou República en solitarioXornal de Galicia, 6 de marzo de 2011. Arquivado dende o orixinalArquivado 10 de marzo de 2011 en Wayback Machine. o 16 de agosto de 2013.
- A súa obra Revolución uruguaya de 1904
- Recensión de Marcelino Gómez por Perfecto Ramos