Maratus speciosus

Maratus speciosus é un arácnido pertencente ó xénero Maratus, dentro da familia dos saltícidos (Salticidae). Só se sabe que habitan na vexetación das dunas na costa suroeste de Australia Occidental. Ó igual que outras arañas do xénero Maratus, os machos da especie involúcranse nun cortexo no que erguen o seu terceiro par de patas e o seu abdome, presentando as cores deste último a potenciais parellas femininas. A diferenza doutras arañas do xénero Maratus, os machos desta especie teñen un conxunto de brillantes sedas de cor laranxa ó longo de ámbolos bordos do abdome que só se fan visibles durante o cortexo.