O mar da Liguria[1] (en italiano Mar Ligure e en francés Mer Ligure) é unha parte do mar Mediterráneo centro-setentrional, que baña costas de Italia, Francia e Mónaco. Limita no occidente cunha liña imaxinaria que parte do cabo Ferrat, en Francia, até Punta di Revellata, preto de Calvi na Córsega setentrional, mentres o límite oriental localízase entre cabo Corso, en Córsega, e o promontorio de Piombino, na provincia de Livorno (na Italia peninsular).

Mar a Liguria
Mer de Ligurie - Mâ Lìgure - Mar Ligure
Localización administrativa
EstadoItalia Italia
Francia
Mónaco Mónaco
DivisiónRexión de Provenza-Alpes-Costa Azul e Córsega (FRA)
Liguria e Toscana (ITA)
SubdivisiónDepartamentos dos Alpes Marítimos e Alta Córsega (FRA)
Provincias de Xénova, Imperia, La Spezia, Savona, Massa-Carrara, Lucca, Pisa, Livorno (ITA)
Localización xeográfica
Océano / MarMar Mediterráneo
ContinenteEuropa
Illa/sCórsega
Xeografía
Mares contiguosMar Tirreno e mar de Sardeña
Illas interioresElba, Capraia e Gorgona, Palmaria, Tino e Tinetto
AfluentesArno (241 km), Magra (70 km), Versilia e Serchio (111 km)
Accidentes
Golfos e baíasGolfo de Xénova, golfo de Tigullio e golfo de Baratti
Características
Outros datos
Áreas protexidasSantuario de mamíferos mariños (ZEPIM)
Cinque Terre (Patrimonio da Humanidade)
Mapa

Localización do mar da Liguria.

Delimitacións do mar da Liguria: en vermello, a da IHO; en azul, seguindo a xeografía italiana.

O mar da Liguria baña as costas da Liguria e de parte da Toscana, parte do departamento francés dos Alpes Marítimos e tamén o Principado de Mónaco, así como as illas de Capraia e Gorgona e parte da costa setentrional de Córsega. Todo o Golfo de Xénova forma parte do mar da Liguria.

O mar recibe polo leste as augas do río Arno e de moitos outros de orixe apenina, como o río Serchio e o río Magra. A costa noroccidental da Península Itálica, bañada polo mar da Liguria, é recoñecida pola súa beleza paisaxística e a bondade do seu clima. Ao longo da súa costa, encóntranse importantes centros portuarios, entre os que cabe destacar o máis importante de todos: o porto de Xénova. Outros portos relevantes son os de Savona, La Spezia, Carrara, Viareggio e Livorno.

O mar da Liguria acada unha profundidade máxima de máis de 2.850 m ao noroeste de Córsega.

Extensión editar

A Organización Hidrográfica Internacional define os límites do mar da Liguria como segue:[2]

No suroeste. Unha liña que se une a Cabo Corso (Cape Grosso, 9° 23'E) o punto norte de Córsega á fronteira entre Francia e Italia (7° 31'E).

No sueste. Unha liña que une o Cabo de Córso coa illa Tinetto (44°01′N 9°51′L / 44.017, -9.850) e desde alí as illas Tino e Palmaria ata San Pietro Point (44°03′N 9°50′L / 44.050, -9.833) na costa de Italia.

No norte A costa da Liguria de Italia. </ blockquote>

Imaxes editar

Véxase tamén editar

  1. Definicións no Dicionario da Real Academia Galega e no Portal das Palabras para lígur.
  2. "Limits of Oceans and Seas, 3rd edition" (PDF). International Hydrographic Organization. 1953. Arquivado dende o orixinal (PDF) o 08 de outubro de 2011. Consultado o 7 de febreiro de 2010.