Mar Fernández Vázquez
María del Mar Fernández Vázquez, nada o 2 de febreiro de 1973[onde?], é unha investigadora e profesora universitaria galega.
Mar Fernández Vázquez | |
---|---|
Nome completo | Mar Fernández Vázquez |
Nacemento | 2 de febreiro de 1973 |
Nacionalidade | España |
Alma máter | Universidade de Santiago de Compostela |
Ocupación | filóloga e escritora |
Na rede | |
[ editar datos en Wikidata ] | |
Traxectoria editar
Licenciouse en Filoloxía Hispánica e Filoloxía Románica na Universidade de Santiago de Compostela. Foi bolseira en distintos proxectos de investigación e participou en distintos traballos e publicacións dirixidos por Blanca-Ana Roig, en especial ao redor da literatura infanto-xuvenil galega. Moitos deses traballos engrosaron publicacións colectivas.
Colaborou na Gran Enciclopedia Galega con varios artigos e nos Informes de literatura (con Esther de León Viloria) entre o 2007 e o 2009. A partir de 2018 dá clase de didáctica das linguas e de literatura infantil e xuvenil na Universidade de Vigo.[1]
Obras editar
- Historia da Literatura Infantil e Xuvenil Galega (2015, Xerais). Esta obra ten unha autoría colectiva (Blanca Ana Roig, Eulalia Agrelo, Pilar Bendoiro, Carmen Ferreira Boo, Isabel Mociño, Marta Neira e Isabel Soto, ademais de Mar Fernández Vázquez) e foi coordinada por Blanca-Ana Roig.[2]
- El gusano de seda y la araña, adaptación da obra de Tomás de Iriarte, ilust. Jon González Arroyo (Hércules de Ediciones, 2013). Publicado tamén en galego como O verme de seda e a araña.
Notas editar
- ↑ "Mª del Mar Fernández Vázquez". Universidade de Vigo (en castelán). Arquivado dende o orixinal o 05 de febreiro de 2023. Consultado o 2023-02-05.
- ↑ "Ficha do libro". Edicións Xerais de Galicia. Consultado o 2023-02-05.