María do Carmo Ríos Panisse
María do Carmo Ríos Panisse, nada en Santiago de Compostela o 18 de maio de 1946, é unha filóloga galega.
| María do Carmo Ríos Panisse | |
|---|---|
| Nacemento | 18 de maio de 1946 |
| Santiago de Compostela | |
| Nacionalidade | España |
| Alma máter | Universidade de Santiago de Compostela |
| Ocupación | filóloga e profesora |
| Cónxuxe | Antón Santamarina |
| [ editar datos en Wikidata ] | |
TraxectoriaEditar
Graduouse en Filosofía e Letras en 1968 na Universidade de Santiago, coa tese Vida mariñeira de Sada. Contribución pra un estudo lingüístico, e doutourouse en 1973 coa tese Nomenclatura de la flora y fauna marítimas de Galicia.
Foi profesora de Lingua e Literatura galegas no IES Rosalía de Castro de Compostela desde 1981 até a súa xubilación en 2006. Participou na Agrupación Cultural O Galo de Santiago e no Instituto da Lingua Galega, para o que colaborou na creación do proxecto do tesouro lexicográfico galego.
En 1973 participou no Atlas lingüístico de los marineros peninsulares dirixido por Manuel Alvar.
Casou con Antón Santamarina.
ObraEditar
- Vida mariñeira de Sada. Contribución pra un estudo lingüístico (Verba vol. 1, 1974).
- Nomenclatura de la flora y fauna marítimas de Galicia. I. Invertebrados y peces.(Verba. Anejo nº 7, 1977).
- Nomenclatura de la flora y fauna marítimas de Galicia. II. Mamíferos, aves y algas.(Verba. Anexo nº 19, 1983).
A maiores publicou numerosos artigos en diferentes revistas como Grial ("Contos da miña terra" (1864), primeira edición do conto galego atribuido a Rosalía de Castro"), Dorna ("Consideracións didácticas sobre a literatura galega: o problema do funcionamento do texto literario nunha situación lingüística e cultural non normalizada") ou no Anuario de Estudios Literarios Galegos, e relatorios sobre lingua e literatura galegas publicados en distintos libros en homenaxe a Ramón Otero Pedrayo, Álvaro Cunqueiro ou Celso Emilio Ferreiro.
No libro Os séculos escuros, coordinado por Anxo Tarrío (Hércules de Edicións, A Coruña, 2000), foi a responsable dos capítulos dedicados ó Prerrexurdimento e ós inicios do Rexurdimento. É tamén autora de edicións críticas de Devalar, de Otero Pedrayo (1992), e Obra poética dispersa de Xoán Manuel Pintos Villar (2006).
Véxase taménEditar
BibliografíaEditar
- Fernández Rei, Francisco et al. (2005). "Ríos Panisse, María do Carme". Gran Enciclopedia Galega (DVD). El Progreso. ISBN 84-87804-88-8.